Yaz避孕藥

食咗yaz大約5,6個月,一直都係食最尾個粒白色個日既夜晚黎,但到依家都仲未黎,想問下係咪有機會有咗?想問下有冇人有相似情況

首先,想了解一下到今日為止,距離「食最尾個粒白色藥丸」已經遲左幾多日未黎月經?:blush: 同埋之前有無發生過唔安全嘅性行為,有的話係大概幾時發生?

如果無發生過唔安全嘅性行為,而且只係遲左幾日月經未黎,都無需太擔心嘅。因為根據 Yaz避孕藥嘅網站,只係指「通常在服食最後4粒含非活性成分的藥丸(白色藥丸)期間來經」,所以有例外嘅情況,唔係於呢個期間來經都唔出奇啊。或者都想了解下你呢個月有無咩特別嘅情況出現過?例如服用過其他藥物、情緒有起伏、壓力過大、生活作息唔定時⋯⋯等等有機會影響荷爾蒙嘅情況? :relaxed:

記得無論有無黎到月經,服用完白色藥丸之後嘅第二日,都要馬上開下一盒避孕藥服用,並服用紅色藥丸(含活性成分藥丸),就應該無咩問題 :blush: 不過因為見你過往5-6個月,月經黎嘅情況都好穩定,如果你亦無發生過唔安全性行為,又突然出現月經遲黎嘅情況的話,睇醫生都係一個比較穩陣嘅做法啊~ :woman_health_worker:t2: :man_health_worker:t2:

如果有發生過唔安全嘅性行為的話,就建議首先進行驗孕。一般受精卵著床需要6-9日,所以於性行為7日後驗孕,已經可以有初步嘅驗孕結果。不過於性行為11日後進行驗孕,就會較準確同埋可靠。

最後,如果已經有正確服用避孕藥,但係連續2次月經都無如期出現的話,就記得一定要同番醫生講,睇下有咩因素導致月經尚未出現,或者睇睇有無需要換其他嘅避孕藥牌子/款式 :woman_health_worker:t2: :man_health_worker:t2: