HELLO 吾知點解個子宮好似增大咗 突咗出黎咁 摸落去好似有塊硬塊咁。但係冇咩不適 除咗攰 不過攰成日都系。岩岩上個禮拜四同男朋友咩完 依家今日第八日。吾知係米有咗 有帶套 但係應該係排卵期個陣時咩。男友全程带套 我依家好驚 我得18歲 吾想有咗定係有病？琴日開始增大咗咁。真係吾想有咗 套confirm 冇穿的。究竟咩事？
你好呀！ @Amy 我見你話你有帶安全套，而且都確保咗無穿，其實懷孕嘅風險係非常低嘅。
其實子宮喺係身體好裡面，而且緊貼住其他器官（例如膀胱同直腸），一般都好難係體外直接摸到嘅。所以如果你摸到硬塊，其實比較大機會係有卵巢囊腫或者卵巢癌嘅症狀。除此之外，亦有機會係以漿膜下肌瘤（Subserosal）形態生長嘅子宮肌瘤。因為呢一類型係會向子宮外生長，當生長到一定大小嘅時候會比較容易係體外按壓下腹去發現。但呢種肌瘤一般都係因為壓到其他附近器官，引致疼痛而被發現。無論係邊一種情況都好，如果你摸到下腹有硬塊，而且過去呢幾日更快都無消失嘅話，盡快去睇醫生做檢查係比較安全嘅做法。如果經濟上負擔得到，你可以直接去婦科專科診所求診。如果唔係都可以係普通門診做初步檢查先，如果醫生都覺得有機會係上述所講嘅徵狀都會再出轉介你去專科做進一步治療。
同埋見到你都擔心硬塊會唔會係懷孕嘅徵狀，其實一般精子進入體內如果成功受精到著床都需要6－9日時間，距離你上一次性行為至今只有8日，即時已經喺著床都唔會咁快就開始有腹部脹大嘅情況，所以更加可以確定係同懷孕無關係呀。
同埋，都想知道你係咪用排卵棒檢查過自己嘅排卵時間呀？因為見你都有講排卵期，如果用排卵棒驗嘅話，都準確嘅，不過如果你係用apps嚟幫你計嘅話，其實並唔準確，因為排卵嘅日子可能每個月都會唔同，有時會早啲，有時會遲啲，呢啲都係受到會唔會早訓或者遲訓、有無食緊藥、會唔會好大壓力等等影響，如果唔係，一般都唔會好準時一定係手機上面顯示嘅果幾日排卵嘅，所以好難單憑一個apps去計算出嚟。同埋用apps嚟睇幾時係安全期都係唔準嘅，因為計算安全期都唔係一個有效嘅避孕方法 ，好似頭先咁講，每個人排卵嘅時間都唔一樣，尤其係週期比較短嘅女性，嚟咗M都有機會已經排咗卵，所以都唔能夠單靠日子上去避孕，因此係安全期期間做愛都有懷孕嘅風險架。
Hello Kaleo 吾該你 我今日摸上去已經冇咁硬 但係都系摸到有野突出來 個個位係子宮中間個位 吾系下腹 平時都吾會突 即使谷m都吾會突 會吾會係有肌瘤？同埋都真系有d攰，今日仲要咳 發冷發熱 究竟咩事
係a 我純粹係用app記錄幾時來m app 就predict 我幾時排卵咁。吾會系太肚架可？
一般我地講下腹都係泛指肚臍以下直到陰部嘅位置，當中都包含到子宮嘅。上面Kaleo都有提過子宮係屬於比較深入係體內嘅部份，即使醫生觸診都比較難可以直接摸到子宮，好多時都要做超聲波檢查先可以確實睇到係咪有咩情況嘅。既然係好肯定摸到有嘢凸起，盡快去睇醫生做檢查先可以幫到你呀。Kaleo都有另外提過除咗子宮肌瘤，出現硬塊仲可以係其他原因，我哋係網上都好難單憑文字判斷係邊一種情況，所以希望你多餘考慮盡快去求醫啦。
至於呢個問題，Kaleo都有解釋過
而且對上一次性行為你哋有正確使用安全套嘅話，避孕功效都係好高嘅。當然如果你唔放心，可以買支驗孕棒檢查一下，最快係性行為後7日驗就已經會有初步結果，一般係11日後或預計經期嘅時候驗結果就會更加準確嘅。不過都係再重申一次，即使8日前嘅性行為真係令你意外懷孕，都唔會係咁快就出現腹部變大嘅症狀。呢個時候嘅狀態只係一粒受精卵，係唔會令你出現隔著咁多器官、脂肪、肌肉同皮膚都摸得到嘅硬塊，唔使擔心。