請問有無社工~

雖然喺到問好違和,但係覺得呢到會有社工可以解答到我問題~:see_no_evil:
Hello~我想問下入讀社工系面試,大致會有咩問題參考下:see_no_evil::see_no_evil:又或者有無咩心得分享下 thank you​:drooling_face:

Hello @alice :blush: :wave:t2: 希望我呢個過來人可以同你分享一下以前面試嘅經驗啦~

一般面試,都唔少得自我介紹,講下點解自己想做社工(例如價值觀、抱負、過往發生嘅經歷等等) :wink:。同時,都可能會有小組討論等嘅方式,去睇下你對社會福利政策嘅了解同埋睇法,或者睇你能唔能夠代入不同持分者嘅角度,去睇某一D嘅議題 :speech_balloon: :thought_balloon:

部分院校,可能都會睇重你對社工呢個角色有幾多嘅理解,例如如何面對工作上同社會公義有衝突嘅情況,現時社會福利制度出現「跑數」嘅情況有咩睇法,或者其他牽涉社工價值同個人價值觀嘅衝突等問題,都好值得面試前你先去思考。

建議你面試前,要充分了解社工嘅定義,同埋本地、國際上對社會工作者工作上嘅工作守則,慢慢掌握社工嘅角色、工作內容、社工價值等知識。同時,都可以瞭解一下該院校社會工作系嘅社會工作課程架構同埋特色,一方面掌握社工大概需要學D咩知識,另一方面了解呢間學院嘅課程架構/配套有無同其他院校唔同,點樣進一步幫助你社會工作嘅學習。對於時事嘅掌握都係唔少得,始終「社會」、「工作」呢兩個要素係社工嘅工作上係好重要 ,唔熟悉社會發生咩緊事,好難喺工作上回應服務使用者,同埋社會嘅需要:blush:

最後,作為社工系嘅畢業生,都分享一下,社會工作嘅學習路程中,係有機會會面對好多嘅挫折同埋壓力,特別要經歷2次,或者以上嘅實習歷程。但係謹記過程中要記得當初自己想做社工嘅初衷,提醒自己點解想讀呢一科,為左D咩黎讀。學習時期可以多D同同學交流,互相扶持,咁就可以捱得過架啦 :smiling_face_with_three_hearts: :smiling_face_with_three_hearts: 我就無後悔過讀左呢一科,因為除左學習更多社會工作理論之後,對自己有更深嘅認識,同時亦都透過實習嘅經驗,從服務中深深感受到人與人之間互動對案主嘅影響 :relaxed:,令我更想畢業後將學到嘅知識實踐係實務工作上,去同服務使用者同行。

最後祝福你面試順順利利,入到心儀嘅院校同埋學系啦~ 加油啊 :relaxed: :wink: :two_hearts: :muscle:t2:

@Sze_StickyRiceLove Thank you so much​:smiling_face_with_three_hearts::smiling_face_with_three_hearts::smiling_face_with_three_hearts:

1個讚