咁樣懷孕風險大唔大💦

琴日女上男下,最尾射精之後插咗4-5吓先停,結果拔返出嚟嗰陣,有唔少精夜喺 男朋友睪丸嗰到,而我抹下面嗰陣都有D濕,好似係精夜。

我想問咁樣懷孕大唔大:bowing_man:t2:‍♂:sweat:因為我未夠18歲,但唔想又再去 青少年家計會 買藥:sweat_drops::sweat_drops:,有冇其他方法?或者有冇其他地方可以買到緊急避孕藥?:bowing_man:t2:‍♂:bowing_man:t2:‍♂

Hello~ 想了解多啲你講嘅嗰次性行為有無使用安全套/其他避孕方法 :blush:? 如果有使用安全套嘅話,喺射精後無立刻抽出陰莖的確有機會令精液滲漏出黎 :pleading_face: 因為陰莖射精後會慢慢因為減少充血而變軟,以致安全套鬆脫,所以射精後應該立即將陰莖抽出,抽出黎嘅時候要按住陰莖根部嘅安全套邊緣,咁就可以有效防止精液從安全套滲漏出黎 :relaxed:

照你所講嘅情況,的確有機會懷孕,因為精液有機會直接接觸到陰道,但係因為距離你性行為嘅時間未超過緊急避孕丸嘅最長服食時限,即係120小時,所以係可以用考慮採用依個避孕方法嘅,唔洗太擔心 :blush: 不過提提你緊急避孕丸喺香港係必須經醫生處方嘅,所以去到診所之後需要見醫生先可以拎取避孕藥,而唔係可以直接買嘅成藥。另外,好似頭先咁講,緊急避孕丸有分兩種,分別係單一荷爾蒙同黃體激素受體劑,單一荷爾蒙嘅服藥時限係性行為後嘅72小時,而黃體激素受體劑嘅服藥時限就係性行為後嘅120小時。所以如果決定採用依個避孕方法嘅話,建議按照個人情況向診所查詢返有無該種緊急避孕丸提供,因為部份診所可能只提供其中一種避孕丸,有關緊急避孕丸嘅相關資訊可以參閱以下網頁 https://www.famplan.org.hk/zh/health-info/contraceptive-methods/emergency-contraception

至於你喺另一個post問到有關母嬰健康院嘅問題,其實只要符合香港法律上嘅合法性交年齡(即係16歲或以上)就可以使用母嬰健康院嘅緊急避孕服務,不過因為唔係所有母嬰健康院都每日開放,加上宜家疫情嘅關係開放時間有機會有調動,所以建議你去之前打去查詢下,相關嘅聯絡資訊可以睇返以下網頁 https://www.fhs.gov.hk/tc_chi/centre_det/maternal/maternal.html :blush:

因為大部份母嬰健康院平日嘅開放時間係去到下午五點半,所以如果夾唔岩時間嘅話可以預約到家計會嘅青少年保健中心拎取緊急避孕藥,佢地開放到晚上八點。不過見你提到唔想再去家計會拎取緊急避孕藥,想了解返係因為之前去過怕再去會尷尬? 定係有其他原因 ? 如果係之前去過嘅話,都想提醒返因為緊急避孕丸含有高劑量荷爾蒙,副作用較大,所以係唔可以喺同一個月經週期內服食多過一次嘅 :no_entry_sign: 而如果係其他原因都歡迎同我地分享 :relaxed: 至於除左母嬰健康院同家計會青少年保健中心之外,你都可以選擇去私家診所向醫生拎取緊急避孕藥 :man_health_worker:t2: :woman_health_worker:t2: