求解答🙏🏻

上次嚟M係6月19-24 有用開app計經期
通常都係33-35日為一週期
7月3 算係發生過性行為
但都係隔住身物 而且冇插入等嘅動作
咁樣嘅懷孕機會應該好低?

另外之前app計算嘅排卵期日子裏面
有幾日有啡色分泌物/又有少少似血
但嗰陣 上網查話排卵期都會有機會出現呢啲
所以就冇太為意

但到而家25/7 都仲未嚟M 都有少少擔心
而且感覺到自己體溫呢兩日都有啲高
又有平時嚟M 出嗰啲暗瘡
呢啲都應該係M前徵狀?
想係度求個安心 唔該晒:pray:t2::pray:t2:

Hello~ 見到你係另一個post都有問過相關嘅情況,當時Sze都有解釋過你所進行嘅性行為基本上係無懷孕風險嘅 :point_down:t2: :point_down:t2:

加上你哋今次發生性行為時係隔住衣物,即使有分泌物,佢哋都會被衣物吸收,無法直接接觸到陰道,所以係唔會導致懷孕,唔使擔心。

排卵期期間出現啡色嘅分泌物係好常見嘅,因為呢段時間體內荷爾蒙水平會有波動,無需要擔心呀。而你提及嗰啲身體症狀其實都係常見嘅經前症狀,但呢啲症狀仲可以係好多其他身體狀況之下出現,所以當能夠單憑呢啲症狀就去判斷一個女性係咪就快嚟月經。

其實由你上次月經開始直到而家係第37日,同你以往週期嘅數字都係相當接近嘅。本身月經就係好容易受外在同內在因素影響嘅事,情緒波動、有壓力、病過、食過藥、生活習慣有明顯改變等等都係常見會影響嘅原因。加上本身只有好少女性真係每個月嘅週期數字都係一摸一樣,又排除咗你可能會懷孕嘅風險,暫時係無需要擔心嘅。

想問下今日已經第40日 但都未嚟
會唔會有啲咩事:cry::pray:t2:
呢排都差唔多12點瞓
係咪都算遲?

明白月經遲遲未黎的確令人擔心 :pleading_face: 但就好似 @Kitty_StickyRiceLove 咁講, 月經係受好多因素影響嘅,所以比預期早/遲黎幾日係好正常嘅情況 :blush: 建議你可以好似@Sze_StickyRiceLove 喺你上一個post 月經週期時間 嘅回覆入面咁講,以比平日週期遲7日內為標準,如果過左7日依然未黎經嘅話可以去睇醫生了解返身體狀況,照你嘅情況,以你最長嘅週期35日黎計,如果到第42日仍未黎經嘅話就可以考慮去睇醫生。而喺依段時間內可以嘗試放鬆心情,可能月經依一兩日就會黎架啦 :relaxed: