避孕藥副作用

我係月經第一日(星期一)開始服食避孕藥(第一次食),食完第二日就開始感到有點暈暈的,一起來有時候會眼前黑一黑,晚上整個人有點虛虛的,乏力,第三天感覺會透不過氣來,就好像吸不夠氣一樣,有時候會胸口痛。晚上,特別是凌晨的時候,會感覺喉嚨會有血腥味,第三天我停了沒吃藥。第四天早上起來感覺好了點,但還是有些許呼吸困難,晚上我提早補吃了一顆藥,但還是感覺不太舒服,就停藥了,之後都沒吃。但我今天還是感覺呼吸不順,間中胸口有和血,喉嚨有些許血腥味,手腳乏力

想問這樣有可能是出現靜脈血栓的問題嗎?應該怎麼做?如果是的話會引致什麼問題?如何治療的
(腿部沒腫漲,沒有咳嗽)

謝謝:pray:t2:

胸口冇血,手誤:see_no_evil::rofl:

Hello @WK12345 :blush: 你講嘅情況,並非一般服用口服避孕藥常見嘅副作用,係需要立即停止服藥,同埋儘快求醫

口服避孕藥服用頭三個月,會有較大嘅風險引致靜脈血栓栓塞嘅情況。而當中就包括肺栓塞,暫時見同你嘅情況相近。肺栓塞嘅病徵,例如有機會突然出現原因不明的呼吸困難或呼吸急速突然出現帶血的咳嗽隨深呼吸加劇的胸痛;焦慮感;嚴重頭重感或頭暈;心跳急速或不規律。

詳細資訊,可以參考以下YAZ-常見問題《5.服用避孕藥會有機會導致血栓形成嗎?》:
https://www.yaz-hk.com/cn/faq.php

當出現以上任何同靜脈血栓栓塞相關嘅病徵,需要依家立即停止服藥,並儘快聯絡你睇開嘅醫生,或者馬上聯絡家計會/婦科醫生求醫。因為靜脈血栓栓塞嚴重起上黎,係有機會引致永久性殘疾或者致命嘅。治療方式,一般病情較輕微/穩定嘅,會提供抗凝治療( 給予抗凝血藥物)。

同埋,想了解番你服用呢款避孕藥之前,有無到家計會/婦科診所諮詢醫生嘅建議? :woman_health_worker:t2: :man_health_worker:t2:因為每個牌子/款式嘅避孕藥內含有嘅荷爾蒙類型同埋劑量都會有唔同,有機會某部分避孕藥唔適合你嘅體質,係有機會引致嚴重嘅副作用。避孕藥亦並非每個人都適合服用,一般常見唔適合食藥嘅情況,例如有心血管疾病、不規律陰道出血、體重過高等。所以一般都會建議服用避孕藥之前,必須諮詢醫生嘅意見,讓醫生評估你嘅體質/生活習慣,係咪適合服用避孕藥,或者適合服用邊一個牌子/款式嘅避孕藥。