連續幾日有白帶 係咪正常?

有禮拜四/五開始日日都有白帶分泌出黎 聽講排卵期就會特別多分泌物 但有時唔係分泌白帶 係水咁嘅分泌物 無流出黎 但係摸入去係濕濕地 想問咁樣係咪正常?

係上個禮拜我試下大力按壓過腹部 咁樣會唔會有影響?

Hello @Kintexxx :relaxed: 一般排卵期時候,女性分泌物係會有機會變得比較多,顏色偏透明,出現水膠/蛋清狀分泌物都係正常嘅。所以你嘅情況都係好正常啊~ 亦因為果個時候嘅分泌物粘液量較高,比較有彈性,所以部分女性嘅分泌物有機會出現「白帶拉絲」嘅情況~ :grinning:

而本身白帶分泌係一樣好正常嘅事,一般排卵期前後、月經前後,白帶量都會比較多。 一般正常健康嘅白帶,係透明/偏奶白色,並無異味,帶有黏性,呈蛋清狀。只要分泌物顏色/味道無出現異常,下體亦無出現痕癢徵狀,都無需太擔心。 :blush: :two_hearts:

最後,都想了解下上星期大力按壓腹部係因為咩原因?因為一般情況下,太大力按壓腹部,係有機會令到內臟/其他部位受傷,或者感到不適,所以我地都唔太建議咁做啊 :pleading_face: :persevere:

唔該曬你呀
因為已經連續差唔多五日都係咁 次次流出都唔係白帶咁:see_no_evil:搞到我唔知到底自己係咪有咩病咁:joy: