已打避孕針 但經期未到

避孕針已持續打了7個月
每個月都會提早2-3日嚟經
6月12號經期
針期6月21號(姑娘有幫我打針 但下個月針期前仲未嚟經就需要再見醫生)
到現時還未有經期到
當中驗孕4次 都係一條線 最後一次25號驗
(12/7號最後一次性行為)

請問懷孕機率高?

Hello~ 見你提到持續打左避孕針7個月,想確認返你所講嘅避孕針係唔係一個月注射一次嘅混合荷爾蒙避孕針?因為避孕針有分單一荷爾蒙同混合荷爾蒙,單一荷爾蒙避孕針嘅有效期係3個月,但接受注射期間有機會因為體內荷爾蒙改變而出現月經不規則、月經流量減少、或閉經等副作用;而混合荷爾蒙避孕針因為係一個月注射一次所以可以令經期規律化,但係由於佢含有雌激素,所以亦唔係每個女性都適合使用。照你所講嘅情況,月經比預期過左大概兩星期,而喺打避孕針期間無出現過依個情況,所以建議你向去開打避孕針嘅診所見醫生了解返身體情況 :man_health_worker:t2: :woman_health_worker:t2:

至於懷孕嘅機會方面,照你所講嘅情況懷孕嘅機會好低,唔需要太擔心 :relaxed: 因為驗孕棒最早可以喺性行為嘅7日後驗出初步結果,而喺性行為嘅11日或以後驗出黎嘅結果係好準確嘅,見你喺最後一次性行為嘅11日後有驗過孕而結果係陰性,咁就應該係無懷孕啦 :blush:

我係打一個月一針既混合性荷爾蒙

明白,咁都建議你去睇醫生了解返身體狀況,同埋睇下係唔係適合繼續用依個避孕方法 :blush: