你好，想請問下係咪後入式難進入d ga?
因為我試過後入，感覺上陰道有個直角位，點迫都入唔到去。係咪本身呢個動作只容許淺入呢？
同樣地，係咪女上嘅reverse cow boy 都會咁ga?
謝謝
你好呀 @Patrick 
你所講嘅「感覺上陰道有個直角位」，有機會係雙方嘅姿勢配合得唔係咁好，可能係被插入者嘅屁股抬得唔夠高，又或者插入嘅角度唔啱，如果雙方都配合得好嘅話，後入其實可以好深入架。 
你可以試下用以下嘅方法：
被插入嘅一方係需要以跪姿勢趴係床上面，身體儘量貼近床上，屁股儘量抬起。插入嘅一方同樣需要跪係床上面，如果一開始無辦法掌握插入位置嘅話，可以請對方幫下手，練習多幾次，自然就會掌握到架啦。係抽插嘅時候都需要注意角度同埋腰嘅擺動，啱啱開始用後入嘅時候，千祈唔好想上頂，而係要水平咁抽插，如果唔係嘅話，唔單止你會覺得一直都好似插唔入去咁，被插入嘅一方都有可能會受傷。係腰嘅擺動方面，啱啱開始擺動嘅幅度可以細少少，速度可以慢啲，抽插咗幾下其實你就會大概知道個位置，呢個時候就可以幅度大啲，但都係慢慢嚟，之後就試下幅度細啲但係速度快啲，如果都係順利而無跌出返出嚟，你就可以自由發揮啦。 
呢個係最入門嘅後入式，當然如果熟練咗呢個姿勢，仲可以試下企係度後入，同樣都係要屁股儘量抬起，插入嘅一方係插入嘅時候就需要踎低少少，咁樣先比較容易進入嘅。 
另外Cow Boy 其實都係被插入者主導嘅一個姿勢，所以都可以試下以下嘅方法可唔可以幫到你容易啲插入：
啱啱開始用Cow Boy呢個姿勢嘅時候，可以首先請被插入嘅一方跪係插入者身上，身體儘量向前傾，可以用手去幫助陰莖插入，呢個時候插入者千祈唔可以亂郁，如果唔係就難插入架啦。當陰莖能夠插入陰道嘅時候，女方需要向後移動少少，然後就可以試下上下移動。咁樣嘅做法其實係令陰莖緊貼陰道，咁樣就唔會咁易甩出嚟。當熟練咗之後，女方就可以嘗試抬起腳，以踎係度嘅姿勢上下移動。 
啱啱開始嘅時候，建議男方儘量唔好郁先，等女方先熟悉咗個姿勢，咁就會容易啲進入架啦。
無論係後入定係Cow Boy，其實都可以好深入，但係好多時候都需要女方嘅幫手先會比較順利，特別係啱啱開始試Cow Boy嘅時候，係更加需要女方主導嘅。 
同埋每個人性器官嘅角度都唔一樣，都唔一定係所有體位都適合每一個人，如果你哋試過幾次都係唔得都唔需要勉強架。
無論用咩姿勢都好，啱啱開始嘅時候，記住係過程中要用潤滑劑，咁就會減少咗係試新姿勢嘅時候唔小心整痛嘅風險架啦。同埋一定要記住用安全套呀，呢個係唯一一個可以預防性病嘅避孕方法嚟架。
祝你玩得開心，雙方都放心。 
謝謝你呀。
後來發現，女朋友成日都好緊咁，佢話自己都控制唔到
。我估可能要再慢些少。。。
Hello @Patrick 無錯啊，當女朋友下體比較緊嘅時候，都建議可能做多D前戲，令佢放鬆D先。又或者可以試下一開始嘗試做左其他體位先，等女方下體分泌物充足（或者配合埋潤滑劑），而陰道亦已經適應陰莖插入嘅時候，先再嘗試後入式。剛開始後入式，陰莖插入之後，亦建議好似 @Kaleo_StickyRiceLove 所講，等女方熟悉左陰莖嘅存在同埋姿勢之後，先再慢慢進行抽插嘅動作啊～
好吖，謝謝你地呀。我下次試下先。我而家慢慢試下正常位先放入去，再定住做下「其他嘢」，然後再用力入多少少，先再後入。同埋佢話最舒服係用口。插入都係驚驚地，佢話佢妹妹「自己reject 我」咁話
其實未必一定全部都係前戲先會令對方放鬆，可能用燈光、音樂、蠟燭等等嘅嘢去配合返，都可以令雙方都放鬆啲架。除咗前戲之外，不妨可以係開始之前同佢傾下計，講下鹹濕笑話，其實都會令女仔放鬆啲架。
除咗性慾上同埋物理上不斷抽插嘅滿足之外，其實性愛都好著重心理上嘅滿足，所以係事前雙方傾下計，瞭解下對方，大家都感受到關心，其實都係一個好好嘅方法令大家放鬆架。 
見到你話對方陰道會好似自己「reject」你咁，其實陰道都係肌肉嚟嘅，可能之前佢有經歷係比較痛嘅，因此佢都會怕痛埋縮，都係好正常嘅。如果對方都中意用口嘅話，可以下次係開始之前都用口幫佢試下先，或者試下用手指插入先，如果真係Ok嘅話，再試下插入。
但係要記住呀，如果對方唔舒服就唔好夾硬嚟呀，對方會好唔舒服架。
同埋性行為真係唔可以急架，特別雙方都係新手嘅時候，更加要將步伐放慢。
仲有呀，如果發現一個姿勢唔啱你地嘅話，其實唔一定要用果個姿勢架，仲有好多姿勢可以用架嘛，而且都一樣可以咁刺激，咁新奇架。
好吖，謝謝你地呀
可以想問多一下，有無姿勢比較慳力ga? 通常男上正常位，我gf舉腳都會太攰。我試過側身，但發覺自己唔夠長插得到入去，同好難郁咁樣
如果想要一啲比較慳力嘅體位，可以選擇用傳教士式嘅性愛體位，女方唔洗特別抬高腳，只係平訓然後雙腳曲起但腳掌依然掂住床，男方就直接面對面咁趴係女方身上，呢個時候就可以插入架啦，咁樣嘅方式男方嘅陰莖嘅角度啱啱好可以同女性吻合，因此可以比較慳力啲。
其實性愛姿勢同雙方嘅柔軟度都幾有關係架，如果女方有少少柔軟度的話，其實男方可以係做愛期間抬起女方雙腳，用手扶著女方大腿，向下壓嚟適當咁借少少力，咁樣嘅話，女方唔需要雙腳凌空，而男方都唔洗伸到隻手最長去撐住張床，都慳力好多架。
另外都可以試下女方用腳踭勾係男方嘅膊頭，當男方直起條腰嘅時候女方身體就會離開張床少少，呢個時候係下面墊一個枕頭，咁樣嘅方式男女雙方都慳力啲架。
同埋未必一定要抬起曬雙腳嘅，可以試下抬高女方嘅一隻腳，等佢另外一隻腳自然咁放低，放係你雙腳中間，呢個位置就啱啱好陰莖可以對到陰道，呢個方法都幾慳力架。
性愛姿勢千千萬萬種，可以放膽去試，話唔定會解鎖專屬於你地之間嘅Ideal Sex Pose！
謝謝你呀 解釋好仔細