停藥期4天未黎m

食緊優思明,
上星期尾驗過孕negative
27號第一日停藥到而家30號仲未黎m
會唔會有懷孕風險?:cry::cry::cry::cry::cry:

你好呀 @marumaru :wave:t2: :wave:t2: :wave:t2:

都知道你好擔心呀,但係都想問多少少先。都想知道你食咗事前避孕藥幾耐啦?同埋你幾時有過性行為呀?

其實驗孕棒最早可以喺性行為嘅7日後驗出初步結果,而喺性行為嘅11日後驗出嘅結果就係非常準確嘅,所以你可以按照你對上一次無採用避孕方法嘅性行為嘅日子去計算返驗孕有效嘅日子。如果有跟啱時間同埋跟足說明書去驗嘅,個驗孕結果基本上都準確架啦,唔需要擔心嘅。 :wink:

如果你已經開始食避孕藥有一段時間,其實避孕藥係身體裡面已經生效架啦,基本上懷孕嘅風險比較低嘅。 :blush:

事前避孕藥係無藥果七日期間會嚟月經,但係未必係一停藥就即刻嚟嘅。可以先觀察下先,都有啲情況係佢係停果七日嘅第七日先嚟月經,但係你第八日都要繼續食新一排嘅事前避孕藥嘅。 :nerd_face:

特別係頭幾次食避孕藥嘅時候,都有機會係停藥果七日都無嚟月經嘅,但係你停完七日藥之後都要準時開新一排避孕藥食架啦。 :wink:

如果你已經食咗半年以上都無試過遲嚟嘅話,可以回憶返今次有無漏食藥或者唔記得食,如果都係無嘅話,可以去搵醫生幫你檢查下,睇下出現咗咩問題。 :pleading_face: