性愛時的問題

想請問插入女性陰道時,如果插得大力和速度插得快,會否較容易令女性高潮?

你好呀, @Dannyyy :wave:t2:

呢個真係好多人嘅誤解嚟,覺得大力同快就會令對方舒服,但係其實好多時候太大力同太快都會令對方⋯⋯

好痛同埋容易受傷!

特別係無用潤滑劑嘅情況底下,你想像下,男性係用飛機杯嘅時候唔加潤滑劑落去,淨係加少少水,然後好大力同好快咁自慰,唔洗1分鐘都會摩擦到好痛甚至甩皮架啦。 :face_with_hand_over_mouth:

而且女性大部分嘅高潮都係陰蒂高潮,意思姐係透過不斷刺激陰蒂就可以達到高潮,唔需要有嘢插入陰道都可以高潮到架。

同埋每個人達到高潮嘅方式或者反應其實都唔一樣嘅,而AV裡面各種高潮噴水或者好大反應其實都係假嘅。 :face_with_monocle:

而且女性即使係生理上有反應,例如陰道收縮或者有分泌液體,都唔代表佢享受性行為嘅過程嘅,亦都唔係同高潮有直接嘅關係。

所以單純地抽插到令對方生理上有高潮反應都唔代表對方享受呢個性愛嘅過程或者係性上面好滿足嘅,同埋並唔係每一個女仔嘅高潮反應都一樣嘅,有啲會外放啲,有啲會收斂啲,有啲可能係表面睇唔出,所以好重要嘅都係同對方溝通。 :blush:

同埋性行為最重要唔係個高潮嘅部份,而係雙方係性行為嘅期間會唔會都好享受同對方親密接觸嘅時間,高潮可以係一個加分項,但並唔係一個必需項。

性歡愉同性高潮係兩樣嘢嚟,有性歡愉未必一定有性高潮,有性高潮未必一定有性歡愉架。 :relaxed:

1個讚

謝謝你!回覆非常詳細:slight_smile:很專業