我女友比較細粒及肥伴,係男上女下的時候佢曲係隻腿但脚板還掂到床時,張開角度不大,而且當我準備入去時,因角度不大,我雙腿跪在前時,跟本掂不到陰道口;要求她張開,但又柔軟度差,變左佢脚都震埋
。不過都有幾次成功放入去,但佢每次都話好「冤」(我有用潤滑劑,而佢亦非處女但性經驗很少),跟住就張不開雙腿,夾返埋,我亦沒辦法下退出來。
之後幾次,情況亦差唔多,但又都我出現問題,我變左每次準備入時,如果又係上述咁,會又勃起狀態很快退回軟的狀態。我看過普通科醫生,佢檢查及查問後認為我未必係生理問題,我問她有冇「補品」可以買幫下手維持硬度,她說因勃起動力係体內一氣化氮,佢建議可補充一些「精胺酸」以增加体內一氣化氮。
但,我覺得補充品都只不過係一個維持硬度上的幫忙,我認為係姿勢同生活上面嘅影響比較多,所以想請教一下有什麼建議方法?
Hello~ 首先男上女下嘅時候可以試下將女方嘅雙腿稍微抬高，咁樣女方會較容易張開雙腿，男方插入時就會比較容易對準陰道口 
至於你提到女朋友話男上女下嘅時候感到好酸痛，想了解多啲係唔係指雙腿好酸痛? 因為如果係嘅話有機會係因為雙腿張開嘅角度拉扯到啲筋所以產生酸痛感，就好似拉筋嘅時候咁。如果想改善依個情況可以平日嘅時候多啲做伸展運動同拉筋，不過做嘅時候記住要循序漸進，唔好勉強自己，如果唔係好容易會整親 
只要持之以恆啲筋就會慢慢拉返鬆啲架啦 
另外，你提到性行為時陰莖勃起後變軟嘅情況，其實係好正常嘅 因為陰莖需要剌激先可以維持住充血勃起嘅狀態，所以如果前戲嘅刺激唔夠，或者性行為期間有停止刺激嘅話(例如換姿勢時陰莖抽出陰道嘅時間太長)都有機會令陰莖變軟，而其他因素包括身體狀態、性行為時嘅環境、心理壓力等等都會影響陰莖勃起嘅情況。所以照你嘅情況去睇，可以嘗試增加前戲嘅刺激，前戲嘅刺激並唔單指對陰莖嘅刺激，亦都包括愛撫、親吻等等其他身體部位嘅刺激。另外，亦都可以嘗試喺陰莖變軟嘅時候請女朋友用手/口刺激下陰莖先，等陰莖重新充血勃起後再繼續性行為。不過當然上述嘅行為都要喺同女朋友有共識，女朋友都樂意做嘅前提下先嘗試 
1個讚
多謝答覆呀
佢「冤」嘅意思係指入陰道口時,入左後都有D「冤」,佢似乎對呢個感覺麻麻,因為會跟住夾返埋雙腿,及叫「出返出嚟先」。至於脚酸軟?有的,張開角度一大點或曲起抬高久一點會脚軟,我亦試過放我膊頭,但放後就張開角度細,可能有點下身胖,未能容易對準陰道口。另外我亦留意到她每次我在陰部「較準」位置入時,她都會「提示」我:「唔係呢到,小心尿道口」。想請救下是否真的有機會入錯尿道?
另外我亦想請救下,一般書本/文章上,前戲沒有具體指明有甚麼。其實對於男性及女性,你們性治療上,有甚麼前戲項目是對男性及女性提升性慾及性興奮是普遍上最efficient?
咁都想了解多啲用其他性行為姿勢嘅時候，你女朋友會唔會都同樣有酸痛嘅感覺? 定還是只係男上女下嘅時候先會感到酸痛? 至於對準陰道口方面，如果覺得陰莖較難憑空對準陰道口嘅話，可以先用手指插入陰道口，再用手將陰莖放入陰道，咁樣既可以確認陰道口嘅位置，亦都可以藉住刺激陰道提升女方嘅性興奮程度，咁之後陰莖就可以較易插入陰道
而喺男方嘗試對準陰道口嘅時候的確有機會觸碰到尿道口，因為女性嘅陰道口同尿道口係好接近嘅，不過錯誤插入尿道口嘅機會就好低，因為尿道同口係非常窄嘅，亦都無陰道同陰道口咁有彈性，所以陰莖係好難插入尿道嘅。不過如果陰莖觸碰到尿道口再插入陰道嘅話，有機會將尿道口嘅細菌帶入陰道，引致陰道炎，所以插入時可以嘗試上述嘅方法，咁就可以較易對準陰道口
另外，你提到嘅前戲方面，因為每個人嘅身體都係獨特嘅，對於唔同刺激嘅感覺都唔一樣，而且就好似我上一個回覆咁講，前戲並唔單止係對性器官嘅刺激，亦都包括身體其他部位嘅刺激，而刺激嘅方式亦有好多種(例如有啲人鍾意以羽毛挑逗身體嘅感覺、有啲人鍾意伴侶用指尖輕掃大脾內側等等)所以並無一個普遍最有效嘅前戲方法嘅，而係要靠你同伴侶透過嘗試同溝通去探索最適合對方嘅前戲方式，同埋喺性行為嘅時候多留意伴侶嘅反應，從而了解對方嘅感受
不過如果想了解男女性器官嘅結構同敏感帶嘅話，都有資料可以參考嘅，有關陰莖敏感帶同刺激方法可以參考我地IG/Facebook上「口交Tips (陰莖篇)」 嘅文章，我地黎緊都會出埋陰部篇嘅 至於陰部敏感帶同刺激方法方面，可以參考以下依段短片: https://www.youtube.com/watch?v=2Pv2K6d1SSE 佢嘅講解都好詳細而且有用埋道具示範，更容易理解
1個讚
多謝回覆。
因大家仍未好好磨合,所以她表示的「冤」感覺還是在男上女下。當入時及入後都會表示此感覺,因為會跟住夾返埋雙腿,及叫「出返出嚟先」。我問過她其實是否痛,但她說不是,只是「冤」。其實這情景對我有些困擾,因為其實入時不是太有阻礙及亦感到「濕」,我亦有用點潤滑劑,只是進陰道口那刻有點「箍」的感覺,但是還能入;而且「冤」的感覺令我要退一退出,但一退出後就軟了,我諗可能係性興奮消退
。想請教有何原因會「冤」及跟您們的專業,有何建議解決上述情況?因為此情況不下一次令make love不成。
見到你都好擔心呢個情況呀，特別係你插入嘅時候對方覺得「冤」要求你抽出，令你覺得好無自信或者你自責，係果個情境下會令你軟咗。其實你可以試下用陰莖環，呢個係將一個環套入陰莖底部，用嚟阻止陰莖血液倒流返身體嘅工具，睇下會唔會可以改善到呢個情況。
我見你都有睇醫生，可以照醫生嘅建議去做嘅，同埋建議你可以轉換下唔同嘅場景，例如點下蠟燭，聽下音樂，燈光改變下之類，等你自己唔好再同以前嘅情境一樣，咁樣就唔會係下次性行為嘅時候都會諗起之前嘅情況。
同埋你都可以同伴侶商量下，睇下下次表達「冤」呢個個感覺嘅時候會唔會試下用其他方式，因為唔同嘅語氣都會令對方有唔同嘅感覺，例如比較嚴厲就會令對方感覺被指責，性慾減退嘅情況，因此唔可以維持勃起嘅狀態，所以好好溝通都好重要架。
其實每個人嘅性器官都係唔一樣嘅，男性勃起個角度同女性嘅陰道角度未必一樣，有時都會有可能有「冤」嘅情況出現嘅，你可以嘗試下放個枕頭係女方屁股下面，提高少少佢身體，睇下會唔會比較易啲入到。又或者可以試下抬高女方一隻腳，你跨坐係女方另一隻腳上面，咁樣睇下會唔會無咁「冤」。如果真係唔得嘅話，就未必真係要強求男上女下，可以試下後入咁樣，睇下雙方會唔會都比較舒服。
另外一方面，你可以試下會唔會用其他方式插入，例如用手指，或者情趣玩具之類插入，睇下女方會唔會都有咁嘅感覺，或者等女方適應咁樣嘅情況。
有機會女方比較少性經驗，可能比較緊張， 因此佢會係被人插入嘅時候會收緊咗，因此會有唔舒服嘅感覺。你可以試下之前 @Ana_StickyRiceLove 及嘅放鬆或者前戲嘅方式，睇下會唔會比較好啲。
仲有呀，性行為未必只可以用插入式，可以試下刺激女方陰蒂，等佢比較放鬆嘅時候再試下插入，當然都要視乎情況。同埋可以一步一步嚟，今次可能只係用手，下次再用口，再下次先插入。
性行為從來都唔係一件可以一步登天嘅事嚟，慢慢嚟，唔單止可以令雙方都有時間學習點樣性行為，亦都可以俾時間大家去瞭解對方嘅需要同埋舒服嘅方式架。
1個讚
多謝回覆。
都有諗過後入,但反而比男上女下更麻麻,因為反而更看不到陰道口,或者可能下身比較胖,所以遮蓋了,用手指撥開亦看不到。
另外,我突然醒起,用手指/小型插入式自慰器時,佢講過頭一下亦「冤」,但入後沒了,之後再入都少了「冤」的感覺。終之,「冤」呢樣野,反而真正插入時,她反應及感覺大很多。
此外,我想再請救男上女下此方式,其實女性雙腿「M字而脚板搭在床上」還是「曲起雙腿大脾貼近上身」更令事情容易進行?
其實有可能係因為佢陰道比較窄，因此陰莖進入陰道嘅時候會比較「冤」，所以會有種唔舒服嘅感覺，可以試下用性玩具嘅時間長啲，等佢適應俾插入嘅感覺，而佢陰道都有足夠嘅放鬆，再用陰莖進入，睇下會唔會比較好啲。
如果就咁以姿勢嚟區分嘅話， 「曲起雙腿大脾貼近上身」會令陰道口張開得比較大，相對上就比較容易進行性行為嘅，不過都要視乎返個人身體嘅柔軟度，你可以嘗試係性行為嘅時候用手壓住佢大腿，等佢唔洗一直抬起腳，咁樣可能會比較舒服。
1個讚
多謝回覆。
另外我看一些文章,見到一個新詞「心因性勃起障礙」,它說如果太着眼於「成功行房」、「生育目的」、「滿足伴侶」等等時,久之會形成勃起障礙。
我回想自已上述「軟下來」情況,好像也match上面呢個概念,似乎也着眼於「成功」。我開始擔心我會趨向上述障礙,因我回想我上述早前回覆post的情況,我係有緊張「一定要得,唔係佢會唔開心」呢個概念,之後係試過快速軟下。
我開始有點擔心出事
Hello @shuns 首先都好欣賞你之前有就同伴侶嘅性行為問題，主動向醫生求醫。並且有再嘗試去翻開唔同嘅文章，去深入認識自己依家可能面對緊嘅心理及生理問題。的確如你所講，單單透過服用藥物幫助維持陰莖硬度，未必能從根源咁去解決你依家面對緊嘅困境。不過，希望我以下嘅解釋，能夠稍微釋除你對「心因性勃起功能障礙」嘅擔憂，同埋都可以嘗試了解下點樣可以透過藥物輔助，去改善性行為時心理上嘅問題。
心因性勃起功能障礙（Psychogenic Erectile Dysfunction）的定義為，主要或完全由於心理或人際因素（例如生活及經濟壓力、陰莖插入時的焦慮感），導致性表現上持續（至少3個月）無法達到或持續令人滿意的勃起情況。同時，心因性勃起功能障礙通常同其他性功能障礙並存，特別係性慾減退嘅情況，同埋嚴重嘅精神問題，例如抑鬱症及焦慮症。
如果當時普通科醫生，都無特別表示係「心因性勃起功能障礙」的話，可能因為暫時你嘅情況暫時並未有持續好耐，又或者精神狀態上未到嚴重嘅程度。可以配合醫生嘅指導，先嘗試一方面透過藥物輔助，另一方面透過慢慢同伴侶溝通、分享感受，去改善呢一個嘅問題。 
即使之後有機會被診斷為心因性勃起功能障礙，都無需太擔心，因為心因性的話係有機會可以完全治癒嘅。心因性勃起功能障礙嘅主要問題，係因為壓力越大嘅時候，勃起問題就會越嚴重。所以當有一、兩次嘅成功經驗，就比較容易中斷番呢個惡性循環，並建立新嘅良性循環。 
一開頭可以嘗試透過服用醫生建議嘅「精胺酸」增加體內一氧化氮，幫助維持硬度。當性行為期間，勃起情況出現改善嘅時候，相信都會有助放鬆心情，繼而透過運用上文 @Ana_StickyRiceLove 同埋 @Kaleo_StickyRiceLove 建議過嘅技巧（例如增加前戲刺激、 與伴侶嘗試探索彼此敏感帶、增加性行為時的環境氣氛等），慢慢去同伴侶搵出一個彼此舒服嘅方式。 希望透過慢慢累積成功嘅經驗，之後無需服用其他輔助藥物，都能夠發生令雙方滿意嘅性體驗啦。
最後，雖然醫生暫時並無診斷你嘅情況係患上「心因性治療功能障礙」，不過正如你都留意到自己嘅情況都同呢個問題有相似嘅地方，所以亦都可以嘗試從思想層面上去入手，例如調整你對性行為時嘅期望（例如性行為時間維持幾耐／姿勢方面會唔會嘗試其他體位／比起插入過程更注意同伴侶心理上嘅互動等），令你放鬆D。如果都係唔得嘅時候，建議可以搵番之前睇開嘅醫生，睇下有無需要轉介去其他科嘅醫生，或者尋求性治療師／心理學家去做進一步嘅治療。
注意 ：精胺酸（L-arginine）並非所有人士均適用服用（例如不適合低血壓、過敏或哮喘人士等），有機會可導致嚴重副作用。服用前建議先諮詢醫生意見。
1個讚
多謝很專業的回覆呀。
我應明白了你意思,我理解是基本上要撇除其他一切目的而行事,應拋開一切枷鎖,以性器官感覺興奮為主。
對呀,上次醫生有問我有否「一星期晨勃三次或以上」、有否「自慰時能完全勃起」及「自慰時能完全勃起時能否維持3分鐘或以上」。我上述答案是全是「可以」。之後她就認為不太可能是生理問題,而血壓同之前body check沒異樣。所以她初判為不是生理,可以用補充品形式作輔助再定奪,但她也叮囑有不適一定要覆診。不過老實說,服用完那補充品,晨勃硬度或自慰勃起硬度是比以前更強,維持時間比之前是久。可幸是身體沒有不適。
所以,我已經開始自己調整自己的心態,準備更多些前戲方式,不要太注重性器交合。因此我思考緊究竟為女性口交比手部觸摸身體是否更有效提升雙方性興奮度?!
就好似醫生所講，你現時嘅情況都唔係由生理因素導致嘅。一般依然有晨勃都係代表陰莖無勃起功能障礙，所以暫時可以睇下食咗補充品會唔會改善到情況，去到你所理想嘅狀態。身體無不適的話都係好事，但可以按醫生所說keep住覆診去跟進情況。嘗試去調整自己嘅心態，反思自己對性嘅期望都係好重要架！特別社會一直以來都好缺乏性教育，亦好少會講到底性行為應該係點，好多人都會以AV入面嘅情節就係反映緊現實，變相令自己對自身同伴侶嘅表現有好多唔真實嘅期望同要求。一旦做唔到就會覺得自己或者伴侶有問題，甚至感到內疚。但其實「性」本身就係一樣充滿多元嘅事，每個人都會有唔同嘅需求、反應同期望，唔駛太過強迫自己做到某一個標準，因為本身就無一個「最好」嘅標準～
陰蒂其實比龜頭有更加多神經末梢，變相更加容易受到外在刺激同埋感到舒適。相比之下陰道內有嘅神經末梢唔係太多，而且亦係集中係陰道比較前嘅部份，所以其實唔係所有女性係插入陰道嘅期間會覺得舒適或者得到高潮。至於口交定用手去刺激會容易啲感到性興奮，呢一方面真係要視乎返伴侶本身嘅喜好。亦唔係每個人都喜歡口交或者被口交嘅感覺，有啲人會擔心衛生問題，亦會覺得比對方見到自己性器官會覺得好尷尬，當然亦有人會喜歡，所以講到底都係要了解咗伴侶嘅想法先～係口交嘅時候亦可以考慮使用口交膜，去保持衛生同埋令過程更加順暢，亦可以使用可食用或口交專用嘅潤滑劑去輔助過程。之前我哋有出過一篇口交膜用後感，有興趣都可以參考一下： https://www.instagram.com/p/B9ohXX1lvaZ/?igshid=1dqh2yucltsz0 除此之外都可以考慮下係性行為過程中使用性玩具，可以作為前戲嘅工具，亦可以係過程期間增加刺激！
心理上要感到性興奮除咗係身體上受刺激，空間環境或者同對方嘅關係都會好影響實際嘅感受。可以試下轉換場景，例如調節燈光、開音樂、點香薰或精油、去其他地點（不過疫情期間就要小心選擇同做好個人衛生措施啦！），或者係前戲嘅時候坐下其他親密嘅活動調情，例如一齊沖涼、為對方按摩、揀一套AV一齊睇、飲少少酒等等。平日亦可以多啲同伴侶坦白溝通大家對「性」嘅喜好、習慣同期望，除咗更了解大家嘅需要，或者都會發掘到新嘅方式去增添情趣，提升性興奮嘅程度架！
1個讚
感謝你們的回覆。我明白了。
我理解是性行為並非只是「進入」,好的性行為是要撇除其他一切目的而行事,應拋開一切枷鎖,以性器官感覺興奮為主。
所以我會先從提升伴侶的性興奮作為「重新出發」的切入點,希望用口交方式令伴侶感受及達到性興奮,不強求「一定要入」。希望能夠從令到伴侶滿足下從而令自己也放鬆及易於未來的「進入」最少我唔會一入就「冤」同軟下來啦。
我諗當能夠在非進入下帶到伴侶性興奮,已經成功了一半。但願我諗法合理
性除左係一個生理上嘅經驗外，同時亦都係心理層面上嘅體驗。性行為過程中，比起生理上嘅性行為，其實同對象內心嘅溝通、交流，好多時係更加重要，特別如果對象係你嘅伴侶～ 生理上嘅快感，其實好多時都能夠透過自慰嘅方式去滿足到自己。而同對象發生性行為與自慰嘅不同之處，在於我地多左一個對象，讓我地能夠有機會透過性行為，去認識、熟悉對象嘅身體，並且瞭解對象嘅感受想法，作情感上嘅交流，從而增加彼此嘅聯繫感及親密感 。所以，好嘅性行為，都未必係單單以性器官感覺興奮為主啊～
前戲方面，唔一定需要使用口交嘅方式，口交只係其中一個選擇。最緊要都係搵一個你同伴侶都鍾意嘅方式，例如用手／性玩具按摩陰蒂、撫摸身體其他部位、製造浪漫環境氣氛等，去增加性興奮嘅感覺，幫助彼此放鬆身體～
呢段時間你嘗試新嘅性行為方式，同埋嘗試調整個人心態嘅過程中，如果面對到任何嘅困難，都歡迎你繼續搵我地啊
1個讚
「好嘅性行為，都未必係單單以性器官感覺興奮為主啊～」
所以,希望我早前所諗的「重新出發」方向正確！
另外,係呢段嘗試調整嘅時間,我見有D書話叫「感官訓練」,係初階段是堅持不試插入,純以伴侶性器官接觸達至高潮以重新認知性興奮。是否真的有呢D訓練?
你所講嘅感官專注練習(sensate focus practice)嘅主要目的係希望透過體會身體感覺嘅美好與純粹，取代喺性行為上容易因為想要表現好而產生嘅焦慮情緒同評價，其實就好似 @Sze_StickyRiceLove 上一個回覆咁講
而延遲或禁止直接進入性交嘅步驟，係希望可以擺脫日常秩序嘅束縛，令性唔好變成「交功課」嘅模式，而係雙方順住感覺即興發生嘅行為。你同伴侶可以嘗試下以依個方法提升彼此嘅親密感同性歡愉，開始嘅時候可以先從全身愛撫、按摩等方式了解下對方性器官以外嘅敏感帶，之後先碰觸乳房或者性器官。不過因為要改變習以為常嘅行為並唔容易，所以唔好俾自己同對方太大壓力，如果大家嘅性興奮感覺都有所提升嘅時候亦唔需要刻意延遲或禁止進入性交，最近要係喺過程中多了解雙方嘅感覺同埋順住感覺走 
參考資料: 感官專注與時間性
1個讚