我是男仔來，但發現自己穿胸圍同低腰內褲上癮
，由舊時隔中穿到現在天天穿。每隔幾個月就去內衣店買內衣新內褲，自己在家果陣會穿各款內衣在鏡前自娛
初初買是為自慰睇AV果陣有更多我刺激/純粹靠摷內褲來達到自慰射精，而家變左穿胸圍內褲時欣賞自己的身體
自己只得110磅，個人高得來有支長腿，穿起胸圍果陣真係覺得自己似女仔多過男仔
皮膚又白又少毛，性格都係文人靜態。
過去買內衣果陣，都怕其他客人會覺得異類，一個男仔入去擇胸圍有時好彩遇到好的店員
，幫到手就好D。而且偏好買日本款可愛風的Bra，歐美的太成熟，想網購日本胸圍，但個邊會吾會寄過來寫明係胸圍
我已經將日常衣物都轉埋穿女裝，買d睇吾出的中性杉褲，但係我依然覺得自己係男仔
甘樣落去，會吾會最後要做變性人
定適可而止，接受這一切順其自然，好似睇書甘其實自己有雙重性格，又男又女
另外想問下有無性玩具可以幫我解決性慾，覺得自己好咸濕，用女仔衣物來打飛機好吾尊重女性
Hello~ 多謝你同我地分享你對於自身性別嘅諗法阿 
首先想你知道男性鍾意著女裝係無問題架 
之所以大家覺得男性唔應該著女裝其實係因為性別受到好多唔同嘅社會因素所定型，例如好典型嘅男性一定要陽剛硬朗、女性一定要柔弱斯文咁，以致令大家都要按住依啲社會定型生活。但事實上，性別嘅氣質係可以好多元化嘅，男性可以陰柔，而女性都可以陽剛硬朗，就例如喺古代嘅時候，男性同女性一樣都會穿著裙裝或者長袍咁，當時嘅人並唔會覺得有問題。所以即使好似你所講咁覺得自己係男性，亦都唔等於就要以陽剛硬朗嘅形象示人，每個人都有佢自己嘅喜好，唔應該受到社會對性别定型嘅束縛。
至於買女性內衣方面，如果覺得去門市買唔太方便嘅話可以好似你咁講喺網店買，買嘅時候可能問下店主有關包裝會唔會標明係胸圍，宜家有唔少人都好concern貨品包裝嘅私隱，所以相信店主都會理解
就好似我頭先咁講，性別係好多元化嘅，並唔係非男即女咁單一，所以就算你鍾意著女裝都唔等於你要變性為女性(當然如果你有依個意願係可以選擇變性)，你可以繼續以男性嘅身份穿著女裝，就好似每個人都有佢鍾意嘅穿搭風格咁
另外，只要喺無違背他人意願嘅情況下，例如偷偷地拎屋企人嘅衣物自慰，用女性衣物自慰並唔係唔尊重女性嘅表現 因爲自慰本身就唔係一件污穢嘅事，每個人都應該擁有享受性嘅權利。不過如果你依然有興趣嘗試性玩具嘅話，我地都可以講解返相關嘅資訊俾你參考嘅
最後，見你對性別嘅議題都幾有興趣，如果想知道多啲有關嘅資訊，同埋同其他朋友仔討論下唔同嘅性別議題嘅話，推介你參加我地今個月25號舉辦嘅 「多元性別&性傾向 」主題嘅網上工作坊，詳情可以參閱返我地嘅IG
想問下咩野顏色的Bra係無甘易透出來？我見有d女仔經過吾係好明顯/有咩方法？
同想知道買性玩具有邊種是合用，同埋貴吾貴呢
如果想無咁易透，肉色或者接近膚色嘅胸圍會比較好，可以揀啲無鋼圈同埋無花紋嘅胸圍，都無咁明顯架。 
除咗胸圍顏色，其實要睇你著咩衫呀，衫嘅布料、厚薄、款式同顏色等等都會有影響嘅，例如你啲衫全部都比較薄，咁無論咩顏色都會透出嚟架，所以胸圍同衣物都需要配合架。 
你可以係著完胸圍之後再著多件背心，呢個都係唔少女仔會做嘅，但係就要夾返你件衫嘅顏色，例如著白色衫就唔好著黑色內衣。咁又可以著你鍾意嘅胸圍，又可以著你鍾意嘅衫，一舉兩得。 
如果你怕熱嘅話，其實某大型連鎖日本衣著品牌（Logo係白色，底有個紅色正方型），都有一啲有胸墊嘅背心，咁樣就唔洗著胸圍咁熱啦。同埋佢地都有啲無痕嘅款式，無咁透嘅，你都可以試下呀。
性玩具方面，如果想刺激陰莖嘅話，其實平平地可以試下自慰蛋先，價錢大概$40～$70一個，視乎返種類同店舖定價，雖然佢話淨係可以用一次，但係你用完好好清潔後，其實都可以用多2-3次嘅。自慰蛋係一個蛋型自慰杯，佢比較有彈性，可以係陰莖頂部直接拉落陰莖底部，如果啱啱開始試都可以試下嘅。依家係網上購買都好方便，好多鋪頭都會私密送貨，係包裝完全睇唔出，都可以放心架。
如果預算好啲，可以試下飛機杯，價錢比較闊，$1xx-$6xx都有，不過我建議你可以買啲可以多次使用嘅飛機杯，因為性價比比較好，一次性果啲飛機杯都有機會$2xx一個。
再有預算啲可以試下電動嘅飛機杯，$6xx起，但係體驗就比普通飛機杯好啲，而且大多數都有幾種震動模式，可以比較多變。
其實仲有好多種自慰嘅工具架，例如名器（女優陰道翻模）、陰莖環、震動器等等，每種工具都會有唔同嘅感覺架。 
你可以睇返我地糖不甩嘅Instagram，https://www.instagram.com/p/B-mC_s9lGHx/ ， 有講下如何挑選性玩具架，有興趣可以睇下呀。 