求解答~~

我同女朋友上個星期搞左,其實都唔算係,因為見到佢好痛,事緣我同佢錫錫下,之後就忍唔住,佢幫我帶左套之後就入佢,因為仲係處,所以好緊,之後佢話好痛,所以就啱啱好破左處流左啲血出嚟,之後就收左手,其實有左嘅機會有幾大?

Hello~ 照你所講嘅情況,因為性行為嘅過程都有使用安全套,只要有正確使用懷孕嘅機會係好低嘅,唔洗太擔心 :relaxed: 不過想你知道其實陰道冠,即係所謂嘅處女膜並唔係一塊一觸即破嘅薄膜,而係一個有窿嘅結締組織,之所以有窿係為左俾女性嘅分泌物同經血排出體外,每個女性陰道冠上嘅窿嘅大細同形狀都唔同,亦都係因為咁所以性行為嘅時候陰莖並唔一定會觸碰到陰道冠而令佢脫落造成流血嘅,所以性行為時陰道有無流血同女性嘅性經驗無關。

另外,女性陰道緊緻與否亦都同性經驗無直接嘅關係。因為陰道本身係有彈性嘅,就好似我地嘅鼻窿咁,所以性行為並唔會令佢變得鬆弛,真正會影響到嘅原因係年齡嘅增長同埋曾經自然分娩,所以女性陰道鬆緊同性經驗次數係無關係嘅:blush:

至於你提到陰莖插入陰道時女朋友話好痛,其實有機會係因為前戲唔足夠。陰部喺性興奮嘅狀態下會變得濕潤,陰道會慢慢擴張,令陰莖較易插入,所以如果喺陰部無足夠刺激嘅情況下插入,有機會因爲磨擦同繃緊而產生疼痛感:persevere: 想改善依個情況可以喺陰莖插入前先用手指刺激陰部,令伴侶慢慢放鬆同進入性興奮嘅狀態,咁之後插入時就唔會咁痛啦:smiling_face_with_three_hearts: