我係女仔，想問內射後是否一定有精液馬上流番出來？因為男友經常問我為什麼沒有流出來
其實內射後，並非一定會有精液馬上流番出黎。好多時可能成人影片時，為左製造視覺效果，所以往往內射／中出後，都會出現精液從陰道口流出嘅畫面。 
精液流出嘅情況，其實會因為唔同因素而有所影響。例如射精量唔多嘅時候，精液倒流番陰道外嘅機會就會好細。陰道結構上，如果訓喺床上時，陰道口部分係往上傾，可能都會令精液唔會即刻流出。如果男朋友真係好期望呢個畫面的話，而你個人都希望男朋友呢個期望的話，都可以嘗試性行為後，調整個人姿勢，讓陰道口方向朝下，然後男朋友輕輕用手指撥開陰道口讓精液流出。或者可以建議男朋友嘗試於女生男下嘅情況時射精，睇睇精液倒流嘅情況會唔會較明顯。
不過，如果你自己並非鍾意精液倒流出黎嘅感覺，甚至唔鍾意內射的話，都好建議你同男朋友反映你嘅想法及感受。特別係無套內射時，細菌及病毒係能夠直接透過體液傳播到對方身上，令感染性病／其他疾病嘅機會大增。假若你本身亦無服用避孕藥或其他荷爾蒙式嘅避孕方式，內射亦都會增加懷孕嘅風險。
如果雙方都鍾意內射感覺的話，建議雙方都要有持續定時做性病檢查嘅習慣，並且確認彼此為對方單一嘅性伴侶，減低性病傳播風險。同時，亦要做好其他安全措施（例如服用避孕藥／打避孕針），減低懷孕嘅風險。否則，都建議以後整個性行為過程中，都要戴好安全套，一方面避免懷孕風險，另一方面都可以減低性病傳播風險啊。 
最後，亦提醒安全期避孕法失敗率係好高嘅。因為月經週期有好多原因可以導致出現變化 ，例如最近呢個月有生病服過藥、飲食唔均衡、生活唔定時、情緒有起伏、壓力過大等原因，都會令黎月經週期變長／變短。所以唔建議透過安全期計算法，推測「排卵期／安全期」，去發生唔安全嘅性行為啊～ 
十分感謝你的詳細回答，我會好好保護自己 
1個讚