第一次做愛由硬變軟,最後仲入唔到,我有咩問題?

我上次係第一次同女仔做,開始都幾好,佢用口幫我時都硬,但後來搞搞下慢慢軟咗,之後我再用手打返硬,但上套果陣又軟返,feel到個硬度有1半,入到下但好難。
之前都1-2日就j一次,自己都feel到好密但又停唔到,每次都打好大力,射果時會好硬既,但射完就好快軟,連晨勃都冇埋。已經quit咗睇av 2個星期,同埋做多返d運動,最近有返d晨勃但都好似唔見有大好轉。
我應該比自己多d時間再睇下之做d咩好呀?

Hello @stickybomb :blush: 其實每次同新嘅對象發生性行為,好多時都未必同預期一樣咁理想。因為每個人嘅身體構造、性行為喜好、體能、性經驗等都會有所差異,所以都係需要時間去慢慢磨合,從而搵出彼此舒服而合適嘅方式

就你提到嘅情況,戴套嘅時候陰莖有機會於過程中變軟。可以嘗試透過邀請女方幫你戴套,或者選用其他更有情趣嘅安全套(例如有冷熱感、味道),睇下會唔會可以喺戴套嘅過程中,都幫助到你維持性興奮嘅感覺,從而維持陰莖嘅硬度,令之後插入嘅動作可以比較順利啊~ :smiling_face_with_three_hearts:

單憑睇你自慰嘅頻密度(1-2日一次),都唔算太密。自慰得多與少,其實無一個固定嘅數字。只要自慰嘅情況,無影響你日常生活(例如強迫自己自慰完先可以出門/經常因為諗住自慰而無辦法專心工作),都無需太擔心。不過,如果你都意識到自慰嘅時候可能因為太大力,令你同對象發生性行為時嘅刺激感降低,都可以嘗試之後調低自慰時嘅力度,改為透過其他性想像、專注陰莖上嘅觸感,或者學習其他自慰嘅技巧,去令自己即使力度適中嘅時候,依然有性興奮嘅感覺,幫助提升番日後性行為時嘅刺激感。 :kissing_closed_eyes: 做多D運動,有充足睡眠,都係有效改善性表現嘅方法啊~ :relaxed: :+1:t2:

其實以暫時嘅情況,都唔需要太急去迫自己暫停睇av嘅習慣,或者改變其他嘅生活作息。可以先嘗試同對象試多幾次,透過互相溝通分享,同埋增加彼此嘅親密感,熟悉彼此嘅身體、喜好、節奏,睇下表現會唔會有好轉先啦 :relaxed: :face_with_hand_over_mouth: :hear_no_evil: