你好呀，話說今日我左d色情嘢，一直都扯到恆，有唔少尿道球腺液漏左出黎，但係我冇射。跟住之後我去小便，唔知點解d 尿液開曬花咁樣，我根本控制唔到，好似平時射完精之後d 尿會開花咁。跟住我就噴到成個馬桶、手同地下都係尿。咁我就用紙巾抹翻乾佢啦。
之後我有屋企人去廁所，我怕會唔會有d 地方我抹得唔乾淨，或者有d 尿噴左去廁所紙、毛巾等等嘅地方，之後有屋企人用到呢d用品或者自慰，將精子帶入到體內，會唔會因為咁而導致懷孕呢？
首先關於勃起／射精後小便出現分叉嘅情況，其實係正常現象嚟架。因為勃起時陰莖充血會暫時令尿道收窄，射精後陰莖充血嘅情況未完全返回至平日嘅狀況，呢個時候尿道亦然會比平日受壓逼，所以會出現短暫嘅小便分叉或者唔順暢嘅情況。另一方便，射精後仍然會有少量精液殘留係尿道，形成少量嘅阻塞，所以排尿嘅時候要同時將精液排出埋，就會有分叉嘅情況。
至於你擔心精液會接觸到其他物質，其實精子係接觸空氣後好快會死亡，精液接觸其他物質例如紙巾或者毛巾等等亦會被吸收，令精子無法再生存或移動。再加上你已經有嘗試抹干淨周圍嘅地方，即使有遺漏，數量亦唔會好多，即使有其他人接觸到之後觸碰自己嘅身體，亦唔可能導致懷孕。精子需要有一定數量嘅精子包覆住先可以生存，亦需要精液作為媒介去輔助佢哋係陰道內移動。你所講嘅情況都唔可能令到精子繼續生存或者移動，所以無需要因此而覺得擔心。而且，屋企人亦唔一定會用呢啲物品去自慰。
下次如果再有類似情況發生，而你又擔心的話，可以用紙巾清理完現場，再用消毒濕紙巾或者酒精清潔一次，相信會令你覺得安心啲 