嚟M期間避孕藥會唔會有藥效?

我食咗事前避孕藥(21粒)3個月,依家嚟緊m,之後就開始食第4個月,我禮拜五停藥嘅,禮拜日嚟M,咁禮拜一同今日禮拜二都係衝紅燈+無套+內射性行為,我想問下呢段期間有性行為會唔會懷孕?如果會使唔使儘快去家計會攞事後避孕藥?唔該你哋:bowing_woman:t2::bowing_woman:t2:

Hello~ 喺有持續、定時服用避孕藥嘅情況下,即使係停藥期間藥效依然係正常發揮嘅,所以喺停藥期間發生性行為懷孕嘅機會係唔大嘅,不過因為月經期間陰道嘅抵抗力較弱,喺依段時間發生性行為比較容易感染細菌以致陰道炎,所以都建議使用返安全套,另外,因為避孕藥並無防止感染性病嘅功能,所以使用安全套可以提升性行為時保障 :wink:

另外,雖然服食避孕藥期間並無所謂嘅安全期同危險期,但係都想你知道如果喺無採用避孕措施嘅情況下,即使喺月經期間發生性行為都有機會懷孕嘅,因為經期嘅長短受好多唔同嘅因素影響,例如生活習慣改變、壓力大、生病服食過藥物等等,所以係好難準確咁推算排卵期嘅日子,亦都有機會出現排卵期同月經撞期嘅情況,所以都係建議使用安全套,咁就可以減低懷孕同埋感染性病及其他細菌嘅機會 :blush:

好的 本身都有啲猶豫應唔應該做:joy::joy:唔會有下次了

不過想問下您 如果你話停藥期間做嘅懷孕機率唔大 咁我需唔需要食事後避孕藥?

麻煩您:bowing_woman:t2::bowing_woman:t2:

同埋如果下次停藥期(嚟完m)係咪都唔應該發生性行為 直到食第一粒藥為止?

因為停藥期間避孕嘅藥效依然持續,所以無論係月經期間定經期後懷孕嘅機會都係同服藥期間一樣嘅,所以唔需要因為係停藥期間發生性行為而服食緊急避孕藥。至於停藥期間係可以發生性行為嘅,只係因為如果月經期間發生性行為嘅話陰道較易感染細菌,所以如果喺月經期間發生性行為建議使用安全套保持衛生 :blush: