我在18/7來經後，在經後10日開始進行排卵測試，測試了十日一直都沒有排卵結果，在這個月有親密但沒有插入行為，只係雙方用口或手進行！但到20/8(今日)到未嚟月經！
想問下無排卵會唔會影響經期？另外我在12/8及18
我在18/7來經後，在經後10日開始進行排卵測試，測試了十日一直都沒有排卵結果，在這個月有親密但沒有插入行為，只係雙方用口或手進行！但到20/8(今日)到未嚟月經！
想問下無排卵會唔會影響經期？另外我在12/8及16/8分別有驗孕都係陰性！想問下係咪我身體出現咗問題？呢幾日都有來經前嘅徵兆同感覺(因為我有來經前綜合症)，所以有來經前感覺但就係無嚟
Hello~ 首先想你知道經期係受好多唔同嘅因素影響嘅，例如生活習慣改變、壓力大、生病服食過藥物等等，所以每個月排卵嘅日子好多時都唔一樣，以致月經有機會比預期提早／延遲。你宜家距離預期黎經嘅日子只係遲左1日，而且你亦都有黎經前嘅徵兆同感覺，所以暫時唔洗太擔心 
如果過左一個星期依然未黎經嘅話，就建議去睇醫生了解下身體狀態 
另外，喺無進行插入式性行為(即陰莖插入陰道)，懷孕嘅機會係非常低嘅，除非口／手交嘅時候自己或者伴侶嘅手有精液／陰莖分泌物再接觸陰道，如果唔係精子係唔會進入到陰道再游向子宮嘅。而且你亦都驗過兩次孕結果都係陰性，如果係喺性行為嘅7日或之後驗孕嘅話(驗孕棒最早可於性行為7日後驗出初步結果)，就應該係無懷孕啦 
如果想增加口／手交時嘅保障，可以使用口交套同指套，既可以避免精液接觸到陰道，亦都可以防止感染性病。部份情趣用品店有售賣口交套同指套，如果想購買可以先喺唔同情趣用品店嘅網站比較下同類產品，再經網站／到門市購買。