尺寸的自卑

小弟的朋友在醫院工作,剛才聽見朋友在電話中談天說:「我在醫院見到有個病人條JJ好大,好長!」

個一剎那小弟突然極度自卑:sob:極度唔開心,我都好想要一條大的陽具,無奈陽具難以短期內增大,亦難而大幅度增大:sob:所以小弟想在這裏發洩一下
因為內心感覺真的好難受!

如果比女仔知道自己尺寸不大,我覺得會醜怪!相反如果女仔知道自己尺寸大,就好威:cry:

Hello~ 首先想你知道其實陰莖嘅長短同性表現,以至於個人吸引力並無直接關係,而且事實上亦唔係陰莖愈長就愈能夠為伴侶帶黎性歡愉。香港男性陰莖嘅平均長度係11.19 cm,而香港女性性興奮時(因為陰道喺性興奮嘅時候會自動擴張)陰道平均長度係9.5 - 10.5cm,加上女性陰道嘅敏感帶多位於陰道口附近嘅位置,所以香港男性嘅陰莖長度係足夠插入並剌激陰道嘅。雖然部分女性可以透過剌激子宮頸附近嘅位置達致性歡愉,但亦有唔少女性表示當陰莖觸碰子宮頸附近嘅位置時會產生疼痛不適嘅感覺,所以並唔需要過份追求增大陰莖嘅尺寸 :blush:

明白大眾媒體經常吹捧陰莖尺寸較大嘅男性,傳遞出「陰莖尺寸同自我形象掛鉤」嘅錯誤觀念 :x: 事實上我地嘅自信同魅力源於唔同嘅內在特質,例如個性、待人接物嘅態度、唔同嘅技能等等,所以唔需要因為自身陰莖嘅尺寸而感到自卑,反而應該多留意同發掘自己嘅優點,希望獲得別人欣賞先要學懂欣賞自己 :smiling_face_with_three_hearts:

另外,亦都想提醒你朋友,明白佢可能只係想同朋友分享日常生活上嘅事,不過喺未經他人同意下討論佢嘅性器官都係性騷擾嘅行為之一,可以想像一下換轉係佢聽到別人喺無經佢同意下討論佢嘅性器官,佢會有咩感受 :thought_balloon: 每個人都希望受人尊重,但好多時大家都忽略左言談間嘅尊重同樣重要,性騷擾亦唔止限於行為上嘅騷擾,只要大家從日常生活上多為他人嘅感受著想,就可以避免依啲傷害重複發生啦 :relaxed: