唔知自己係咪懷孕所以尿頻 求救

本身自己食咗事前避孕藥三個月,我係食21日之後停咗7日的藥。然後我在停藥7天時內射(但當時月經來中)又係食返第一日藥嘅時候內射。
唔知係咪因為性交後沒有第一時間沖涼,幾日後發現自己尿頻,瞓覺時瀨尿,又完全忍唔到尿。我唔知自己係咪因為懷孕所以令到子宮逼着膀胱。定係因為月經時性交所以感染到尿道炎或者其他病??

你好呀 @Cctb :wave:t2: :wave:t2: :wave:t2:

相信你都好擔心呀,突然出現咁樣嘅情況。不過暫時都唔洗咁擔心懷孕嘅情況住嘅。 :pleading_face:

基本上如果你有食事前避孕藥嘅話,其實懷孕嘅風險都係非常低嘅,即使你係停咗藥嘅7日內有性行為其實懷孕嘅風險都好低嘅。 :wink:

其實好難憑尿頻一個徵狀去判斷自己有無懷孕嘅,好似你咁講,尿道炎或者其他病都有可能導致尿頻嘅。雖然你食緊事前避孕藥,懷孕嘅風險真係非常低,但係如果擔心嘅話,你可以係最近一次性行為嘅7日後買驗孕棒去驗下,得出初步嘅結果。如果性行為後11日嘅時候驗,個結果就比較準確啲。 :blush:

記住要跟返說明書上面嘅指示取樣本同埋指定嘅時間去睇結果呀,如果怕自己唔識睇嘅話,可以去買電子嘅驗孕棒,上面會顯示懷孕嘅結果同埋懷孕嘅週數,所以都幾清晰架。

至於你話有無感染到尿道炎或者其他病嘅話,就要睇下你有無以下徵狀啦:

  • 尿頻:次數頻密,但每次只能排出小量尿液
  • 小便時感到赤痛、灼熱
  • 尿液混濁,甚至帶血
  • 小腹脹痛(近恥骨位置),顯示膀胱感染
  • 如有發熱、腰背痛、作悶、嘔吐,顯示腎臟可能受到感染

https://www.fhs.gov.hk/tc_chi/health_info/woman/9938.html (衛生署 家庭健康服務)

如果有以上嘅徵狀嘅話,都建議你儘快求醫啦。當然,即使你無以上嘅徵狀,你都可以去家計會或者社會衛生科檢查下嘅。 :wink: