事前避孕藥一問

你好,我今個月開始食yaz事前避孕藥,由於一直輕度出血,所以唔想再食黎緊會停藥,唔會再開新一包藥。

如果一直有準時食藥,亦冇漏食,係食緊第23粒藥丸當天有無套的性行為,剩下仲有1粒有藥效嘅藥丸同4粒非活性藥丸,請問仍安全嗎?如果唔安全,我係咪要再食多一包以防萬一呢?因為擔心停藥後短時間内排卵會引致懷孕。

謝謝你

補充:停藥後會採取安全性行為。只想針對是次性行為,看是否需要多食一個週期以確保不會懷孕,萬分感激

請問有人可以解答疑惑嗎?

Hello @Nervousgirl :blush: 首先,都想問番你服用避孕藥之前,有無到家計會/婦科診所諮詢醫生嘅建議? :woman_health_worker:t2: :man_health_worker:t2: 同埋你係今個月邊一日開始服藥?係咪月經期間開始服藥,係的話,係月經週期第幾日開始服藥?

因為每個牌子/款式嘅避孕藥內含有嘅荷爾蒙類型同埋劑量都會有唔同 ,有機會某部分避孕藥唔適合你嘅體質,係有機會引致嚴重嘅副作用。 避孕藥亦並非每個人都適合服用 ,一般常見唔適合食藥嘅情況,例如有心血管疾病、不規律陰道出血、體重過高等。所以一般都會建議服用避孕藥之前,必須諮詢醫生嘅意見,等醫生評估你嘅體質/生活習慣,係咪適合服用避孕藥,或者適合服用邊一個牌子/款式嘅避孕藥。 :relaxed:

而你所指嘅「一直」輕度出血情況方面,係指你「每日」都會出現輕度出血情況,還是「隔幾日」就會出現少少點狀出血情況? :drop_of_blood:

因為如果係每日都會輕度出血的話,其實都唔算係一個正常嘅服用避孕藥副作用,建議你去睇番之前諮詢開嘅醫生,或者搵家計會/其他婦科診所醫生,了解一下出血嘅原因係D咩(例如係咪呢款避孕藥唔適合你嘅體質/身體其他部分出現問題)。如果係隔幾日會出現點狀出血的話,就無需太擔心,因為陰道出現不規則輕微出血,係屬初期服用避孕藥嘅常見副作用之一 :blush:

懷孕風險方面,如果你係月經週期就開始服用避孕藥,咁今次會導致懷孕嘅風險就會更低。不過即使你唔係月經期間開始服藥,都無需太擔心。因為你之前係已經有連續23日,持續依照指示服藥,當時身體已經會建立左避孕嘅藥效。所以於服用第23粒藥丸嘅時候,發生無套性行為,會導致懷孕嘅風險係好微,無需太擔心啊 :smiling_face_with_three_hearts:。安全起見,都會建議你服用埋餘下嘅1粒粉紅色藥丸(含活性成份藥丸),而白色藥丸(非活性成份藥丸)方面,如果你決定停藥的話,服唔服用就無咩所謂。但係如果係打算繼續服藥的話,就會建議你服用埋呢4粒白色藥丸(非活性成份藥丸),咁會幫助到你準確計算開始服用下一盒避孕藥嘅日子。

不過,如果你依然都係擔心有懷孕風險的話,就建議性行為11日後,去進行一次驗孕,到時嘅結果已經係準確同埋可靠:blush: :relaxed: 而因為受精卵一般著床需要6-9日,所以真係好擔心的話,都可以選擇性行為7日後驗孕先,就可以得到一個初步結果

謝謝你的回復。
我係由月經週期第一日開始食的。
由於每日都有點滴出血,家計會醫生都建議我食完淨低的藥丸就停服。

有少少關於避孕藥原理想問番

如果係冇藥效的淨低4日發生性行為,再因停藥後黎m,而之後唔會再開新一排,咁又會唔會有懷孕風險呢?因為擔心會停藥後馬上排卵,就會令之前嗰4日發生的性行為有懷孕的機會

首先都想解釋番,混合式避孕藥(yaz為混合式避孕藥)嘅原理,係透過避孕藥中嘅雌激素,去阻止腦部釋放相關激素,再而令卵巢接收唔到相關激素後抑制排卵。子宮頸黏液亦會變得較濃稠,有助阻止精子進入。而避孕藥中嘅黃體素,亦會干擾子宮內膜嘅生長,令子宮內膜變薄後,受精卵唔容易著床。所以當你服用白色藥丸(非活性成份藥丸)嘅時候,係唔會馬上導致排卵,因為之前嘅藥效已經會抑制左排卵。同時,亦會因為停止服用粉紅色藥丸(含活性成份藥丸),黃體素停止供應,子宮內膜就會剝落,身體就會於呢段期間左右出現「月經」。

當停藥嘅時候,其實身體係唔會即刻知道你停左藥(因為之前已經建立左藥效),所以無需擔心停藥後身體就會馬上排卵。身體只會知道你呢段時間,應該係好似平日月經來潮嘅狀態。所以服用呢4粒白色藥丸(非活性成份藥丸)期間,係安全嘅。即使之後無持續服用避孕藥,而呢四日發生嘅性行為會導致懷孕嘅風險亦係好低。 :blush: 加上精子嘅存活時間有限(若成功進入子宮的話,最多可存活約5天,大概只有5%機會;一般黎講2-3日就會死亡),假設服用呢四粒白色藥丸(非活性成份藥丸)嘅時候,精子進入身體,其實精子都好難生存至之後月經來潮結束並排卵嘅日子(一般最少都需要約10日時間),無需擔心。

停藥後,身體係會需要一段時間,慢慢會恢復自然製造荷爾蒙嘅能力,同埋回復自然排卵嘅狀態。所以都要提醒番,服用4粒白色藥丸之後發生嘅唔安全嘅性行為,就會有機會懷孕風險啊~ 加上,如果真係好擔心會有懷孕風險的話,都可以避免呢四日發生性行為,或者嘗試配合番安全套使用,咁就可以更加放心啦~

明白了,謝謝你的解說。請問之前有點滴出血會否影響避孕效果呢?

陰道點滴出血(spotting)屬正常初期服用避孕藥嘅副作用,只要有按指示定時持續服藥,係唔會影響避孕嘅效果。而每日大約同一個時間服藥,亦會有助減少荷爾蒙波動引起嘅身體反應(例如出現不適、陰道點滴出血等情況)~ :relaxed: :blush:

不過正如上面提及過,

所以當服藥期間(非月經嘅時候),出血情況持續,並且量多,就有需要求醫啦 :blush: :woman_health_worker:t2: :man_health_worker:t2:

另外,都想了解一下你出現點滴出血情況後,諮詢過家計會醫生,咁當時醫生有無講過你係因為咩原因而導致出血嘅情況? :blush: 例如係身體嘅問題,還是呢款荷爾蒙唔適合你? 如果我地能夠知道多D嘅資訊,相信都會有助我地去解釋得深入D啊:grinning: :two_hearts: