想知會五會有bb 。

我想問如果系排卵期第二日做,吾小心射左入去,個時有小小血流左岀黎,咁樣會吾會中招啊?
不過即使食左事後丸,咁樣又會吾會有幫助?

Hello~ 首先想你知道因為經期受好多唔同嘅因素影響,例如:生活習慣改變、心理壓力大、生病服食過藥物等等,好多時往往要到黎經嘅時候先可以推算返排卵期嘅日子,所以計算安全期並唔係一個有效嘅避孕方法。而照你所講嘅情況,排卵期第二日本身亦唔係所謂相對安全嘅時間,所以如果喺無使用任何避孕方法嘅情況下發生性行為,建議立即去見醫生拎取緊急避孕丸。

緊急避孕丸分為單一荷爾蒙(黃體酮 )同黃體激素受體劑兩種,單一荷爾蒙嘅服藥時限為性行為後嘅72小時內,越遲服藥,失敗率越高;而黃體激素受體劑服藥時限就係性行為後嘅120小時內,服用時間唔會影響效果。因為緊急避孕丸喺香港係必須經醫生處方嘅藥物,所以如果決定服用嘅話,切勿到藥房或者其他不經醫生處方嘅途徑購買,可以到家計會、母嬰健康院、婦女健康中心、婦科診所或者私家診所向醫生拎取 :man_health_worker:t2: :woman_health_worker:t2: 有關緊急避孕丸嘅詳細資料可以參閱以下網址:https://www.famplan.org.hk/zh/health-info/contraceptive-methods/emergency-contraception

另外,如果現時未有計劃生育嘅話,建議每次性行為時都使用返避孕方法,你可以同伴侶傾下邊種避孕方法較適合你地,有關唔同避孕方法嘅資料可以參閱我地IG/Facebook/網站上【糖不甩x藥劑連線:女性健康專題 】 系列入面有關避孕方法嘅文章。提提你地性行為需要雙方有共識嘅情況下進行,所以避孕方法同樣都需要大家嘅共識而唔係單方面決定架 :blush: