我同女朋友一齊嗰陣，佢幫我帶套，佢掂到尿道球腺液幫我戴但用咗紙巾抹，驚可能途中有可能hi到啲落嗰套到，但精就無內射，同事後有check嗰袋
Hello~ 的確男性喺性興奮嘅時候會自動分泌尿道球腺液，當中都含有少量精子嘅，不過因為精子接觸空氣之後通常幾分鐘內就會死亡，而且接觸到皮膚、紙巾等等嘅表面都會減低精子嘅存活率，所以照你所講嘅情況，懷孕嘅機會好低，唔洗太擔心 
另外想提提你地，抽出陰莖嘅時候記住要用手按住陰莖根部嘅安全套邊緣，咁就可以避免安全套鬆脫以致精液意外流入陰道。
同接觸咗空氣之後就會係幾分鐘之內死？會唔會係濕嘅情況下又死唔去
係呀，精子係非常脆弱嘅，接觸空氣幾分鐘內就會死亡架啦。 
其實精子要生存嘅條件係非常嚴苛嘅，就算精子係陰囊裡面嘅時候，都會因為溫度太高而活性減低，因此要溫度、濕度同埋有養分嘅情況底下先至可以生存到。 
當精子射出體外後，會有前列腺液作為媒介提供養分，當佢接觸空氣之後，因為溫度改變，精液會快速蒸發，因此幾分鐘後，精液就會乾涸，精子無咗提供養分嘅媒介，再加埋溫度同濕度嘅改變，根本無辦法係體外嘅環境生存。 
精子係需要前列腺液作為養分先可以生存，就算你加水落去，水溫太凍都會令精子死亡，因此精子好難可以存活。 
所以都唔需要太擔心架
但我嗰日係第一次，未射精嘅前列線液。最驚係Hi到女朋友啫，但全程有戴。只不過驚一開始帶就hi到啲落去
Hello
前列腺液係指乳白色嘅液體，通常會混合精液一齊射出體外嘅，受到刺激分泌嘅透明液體係尿道球腺液嚟，裡面的確有機會含有少量精液嘅。
但係睇返你嘅情況，你係有用紙巾抹過嘅，好似 @Ana_StickyRiceLove 講，其實接觸到其他物質之後，精子就因為缺少前列腺液提供養分同埋乾涸而死亡，所以都唔洗咁擔心嘅，懷孕嘅風險都好低。
但係如果你都係擔心嘅話，可以同伴侶一起去買驗孕棒驗孕，係性行為7日後就已經可以驗出初步結果，係性行為11日後或者預計嚟月經嘅時間驗孕就可以得出比較準確嘅結果架啦。
係個人護理產品商店買驗孕棒都係$30～$40左右，其實都非常平嘅，記住要跟足說明書上面嘅指示去做，同埋係指定時間內去睇結果呀，每個牌子都有少少唔一樣架，記住睇說明書啦。
咁係透明呢 我搞錯 應該係透明
如果唔係奶白 係透明色 hi到呢？
事後都有安全check安全套
陰莖性興奮嘅時候，分泌出黎嘅透明分泌物，就係尿道球腺液（俗稱Pre-cum）。 正如 @Ana_StickyRiceLove 所講，
所以你嘅情況，如果係接觸到尿道球腺液的話，其實懷孕嘅風險都係好低，唔需太擔心。加上你事後亦有檢查過安全套，應該性行為過程中安全套失效嘅機會都係好細，導致懷孕嘅機會亦係好微
真係好擔心的話，都可以好似 @Kaleo_StickyRiceLove 提及過咁，可以考慮性行為11日後進行驗孕。因為一般受精卵著床需要6-9日，性行為11日後驗孕嘅結果係可靠同埋準確嘅。而性行為7日後亦已經可以驗出初步結果 
。