關於事後的情況

我想問吓咁樣大唔大機會懷孕,正常扑嘢,安全套帶好,有用漏水檢查。
但戴套過程都正常
我想問戴啱安全套,嗰啲透明液體會唔會漏出嚟
同我想問點樣撇除每次扑完嘢嘅內心恐懼
因為唔知點解每次做完都好似有好驚心態
但安全措施有做好哂
但嗰人唔知點解不斷諗 回想 諗啲細節位要令到自己驚

Hello

Hello 首先好欣賞你進行性行為嘅時候會做好安全措施,保障自己同伴侶:+1:t2:見到你之前都有開另一個post問關於安全套嘅事,其實如果係整個性行為過程都有正確使用安全套,係性行為完結係亦立即將抽出陰莖,事後又有檢查安全套無穿無漏嘅話,懷孕風險係非常低嘅,所以都唔需要咁擔心。:wink:

一般嚟講,男用安全套嘅成功率分98%(perfect use,完全正確使用),同82%(typical use,一般使用),而有機會導致安全套失效嘅原因好多時都係人為嘅,例如係:掉轉咗正反面、無係整個過程中都帶住、無用到適合嘅尺寸、無確保有足夠嘅潤滑度等等。但其實你已經盡力去做安全措施,有努力地正確使用安全套,係可以有好高嘅避孕成效架。想了解多啲安全套嘅正確使用方法,確保自己細節位都做得啱,都可以參考我地Facebook/Instagram 《Stickypedia系列-安全性行為:第一寶》嘅文章同影片。:nerd_face:

而係上一個post都有解釋過,你所講嘅透明液體係尿道球腺分泌,當中係有機會含有少量精子。如果係陰莖接觸伴侶陰部前已經戴好安全套,咁安全套就可以有效阻隔分泌物同精液進入陰道,達致避孕效果。如果擔心嘅話,下次如果掂到尿道球腺分泌,可以清潔雙手後再帶安全套,減少間接接觸。同埋其實安全套係出廠之前都會做一系列檢查,確保有一定嘅韌度同無微細嘅破損,所以都唔需要擔心會令內面嘅分泌物溢出。不過如果係潤滑度不足嘅情況下,安全套都有機會係性行為期間破裂,所以可以係性行為嘅時候使用埋潤滑劑,減低意外破裂嘅機會!:blush:

如果你仲係好擔心淨係用安全套唔夠,想再減低懷孕風險嘅話,都可以嘗試同伴侶討論下要唔要同時用埋荷爾蒙避孕法,例如口服避孕藥(成功率:91-99%)和避孕針(成功率:94-99%)。好多人都會同時用安全套加避孕藥去提升安全度架! :+1:t2:

你都可以同伴侶分享你嘅擔憂,探討下有咩因素令你有呢種擔心嘅情緒,一齊討論適合你地嘅方法。:blush:希望可以減輕你嘅恐怖,放心咁享受安全嘅性行為。:blush: