安全套 甩一半 怕有左

你好,我呢半年經期都比較準。一般月中左右,我於7月6日同房,第一次有全程帶套,有內射。完左第一次後,男朋友有去沖一沖身,再著返衫褲。大約過左10分鐘後,我幫佢進行口交,有帶套進行第二次性交,但進入左幾下之後,可能未夠硬,安全套甩左一半,得返陰巠頭部有安全套,發現後立即停止。事後兩小時也服用了事後丸。

因為我應該2、3號排左卵(因為4號已經陰道較少分泌物),想問一問,我呢個情況懷孕機會大嗎?

Hello~ 的確男性受到性刺激嘅時候會自動分泌一啲透明而黏黏地嘅液體,叫做尿道球腺液,當中都含有少量精子,所以如果性行為期間安全套鬆脫嘅話的確有懷孕嘅風險 :persevere: 不過見你提到之後有及時服食緊急避孕藥,緊急避孕藥透過高劑量嘅人造荷爾蒙抑制排卵或者干擾受精過程,佢嘅成效係好高嘅(避孕成功率 : 97-99%),所以以你所講嘅情況懷孕嘅機會好低阿,唔洗太擔心 :relaxed:

不過因為頭先都有講到緊急避孕藥含有高劑量嘅人造荷爾蒙,所以有機會令下一次經期提早或者延遲幾日,如果發現依個情況亦都唔需要太擔憂 :blush:

你好,我怕第一次射精後,精子會殘留於陰莖上。第二次性行為時,會帶埋上一次既精子進入陰道。又因為安全套半甩落,所以怕懷孕。

唔清楚事後丸會唔會發揮作用,也唔清楚了解,由第一次射精到第二次性交中,沖身、及口交會有殺精的成效嗎?

精子接觸到空氣後通常幾分鐘內就會死亡,因為精子需要前列腺液嘅保護先可以生存,但係前列腺液離開體內之後好快就會蒸發,加上你地第一次性行為後有沖身,就更加可以肯定精子已經死亡,所以唔會造成懷孕嘅風險 :blush:

至於緊急避孕藥主要分為單一荷爾蒙(黃體酮)同埋黃體激素受體劑兩種, 單一荷爾蒙(黃體酮)嘅服藥時限係性行為後嘅72小時內;而黃體激素受體劑嘅服藥時限就係性行為後嘅120小時內,只要喺指定嘅時限內服用,藥效就會正常發揮,抑制排卵或者干擾受精過程,令精子無法成功著床。以你所講嘅情況,你喺性行為嘅2小時後服藥,無超出服藥時限,所以懷孕嘅機會好低阿 :relaxed:

無突登用鹼液清洗,只用清水輕輕洗過,都可以嗎?

係阿,因為精子需要前列腺液作為養分先可以生存,而當你用水沖洗嘅時候,前列腺液會被沖走,精子失去提供養分嘅媒介,再加埋溫度同濕度嘅改變,所以係無辦法生存嘅 :blush:

感謝你地及時既解答,令我安心很多:slight_smile:

你好。我於15/9來經。頭兩天血量都算正常,偏多。第三天(17/9)早上仲有小量,夜晚得返粉紅色分泌物。請問是否正常嗎? 我網上睇到,事後丸會有撒退性出血,我今次出血量少是撒退性出血?還是因事後丸引起的內分泌失調月經血量少呢?(我於6/9報用事後丸)

Hello @Zzzzzzzzzzzzzzzzz :blush: 想了解一下你服用事後丸之前,本身嘅預計來經日子大概係幾時?

一般而言, 服用事後丸之後,之後一次嘅經血量係會有機會變少,所以無需太擔心。撤退性出血一般出血量係會比一般月經少,而持續時間比較短,一般亦都會自行停止。如果出現撤退性出血情況,出血日子同一般月經嘅日子相近,出血情況持續,經血量亦同一般月經近似的話,都可以視果一次出血為一次月經,再重新計算月經週期 :relaxed: