擔心會有BB...

我月經一向比較唔準, 有時週期31-32日左右, 但對上3次黎M都係平均兩個月先黎一次, 我對上一次M係8月16號完, 29號晚男朋友無套入左幾下only, 之後都係打出黎, 到哩排唔知壓力大定點(成日諗會唔會中), 腰有d痛同下腹成日悶痛(有D似黎M前ge feel)但又一直未黎m, 所以好擔心…想問咁樣有左ge機率大唔大?..我真係好擔心好後悔…

你好呀 @Ouo :wave:t2: :wave:t2: :wave:t2:

知道你都好擔心會唔會懷孕呀,但係只要係男性已勃起嘅陰莖進入女性身體,懷孕嘅風險都係比較高架,因為男性係性興奮嘅時候會分泌透明嘅尿道球腺液,裡面係有機會含有少量精子。雖然比起直接係體內射精風險會低啲,但只要一粒精子就可以導致懷孕,所以並唔係完全無風險架。 :blush:

而月經遲嚟呢件事,好似你咁講,你月經週期一向都唔係好準嘅,甚至兩個月嚟一次,最近亦壓力好大都有機會影響體內荷爾蒙水平影響月經,所以都唔洗擔心住嘅。如果真係好擔心嘅話,其實可以去返個人護理商店裡面買驗孕棒,價錢最平大概都係$3x-$4x。最快係性行為7日後已經會得到初步嘅結果,而係11日後或預計月經嘅日子驗就會再準確啲。記住要跟足說明書上面嘅指示,同埋係說明書指定嘅時間睇結果就可以啦,因為間間驗孕棒嘅指定時間都唔同架。 :wink:

另外,如果兩個月先嚟一次月經呢件事都令你覺得困擾嘅話,可以考慮去家計會、私家診所或者婦科診所見醫生檢查一下係咩原因導致月經唔穩定。 :pleading_face: