避孕藥一問

想問 如果食避孕藥前後飲左適量既酒同埋遲左兩小時食藥 會唔會影響效果?

暫時研究指出酒精並唔會直接影響避孕藥嘅藥效。不過有時透過因為飲左酒,就有機會導致部分女性唔記得服藥,導致影響避孕藥嘅藥效 :cold_sweat: 又或者如果因為飲左太多酒,導致服用避孕藥後未夠2小時就嘔吐,咁亦都會影響避孕藥嘅藥效。咁就可能需要即時服用多一粒避孕藥,並儘快諮詢醫生嘅意見~

此外,服用避孕藥之後,通常酒醉嘅情況都會變得更快。因為身體本身已經代謝緊避孕藥內嘅激素,飲酒後就需要同時代謝埋酒精內嘅乙醇,導致代謝緩慢,酒精留在身體裡的時間更長,就更容易醉酒 :persevere: :see_no_evil:

如果本身自己都比較鍾意飲酒,都可以考慮一下生活習慣係咪適合服用避孕藥,又或者會唔會有其他安全措施(例如安全套、避孕針)比較適合自己 :relaxed: :wink: 有需要嘅時候,可以同醫生商量一下未來嘅安全措施安排~

平日都會固定經常飲酒,亦希望繼續服用避孕藥的話,都可以考慮將食藥時間同飲酒嘅時間錯開,例如將食藥嘅時間改做朝早,咁就起碼服藥前後4小時內都唔會飲酒,避免擔心因為飲酒後嘔吐/唔記得食藥,而影響藥效啦 :smiling_face_with_three_hearts: :wink:

Thx!
如果遲食兩個鐘有冇影響?

遲食兩個鐘的話,一般影響不大,12小時(實際時間請依避孕藥說明書指引)內漏服的話,記得嘅時候儘快補服,並於下次按正常時間服藥就可以了 :blush: :relaxed:

不過都提醒避孕藥係需要每日依時(每日同一時間)服用,先可以達到最佳嘅效果。所以下次記得要依時服藥啦~ 怕唔記得的話,都可以手機內設好鬧鐘/服藥通知,咁就唔怕漏服/遲左服藥啦 :wink: