與性工作者性交之後的問題

你好啊,我想問我同性工作者進行性交,其間有用BB油進行手交,之後我去用沐浴露反覆沖洗有油的地方,同時都叫女方洗手,我摸過是干的再戴上安全套進行性交行為,最後因為太緊張我用了一分鐘就射了出來,我再去洗手間把安全套裝水進行測試,好像沒有破,但我還是很怕女方有性病之類,我事後有問女方平時有沒有和其他客人做愛(該名女生平時只做手交性行為)她說沒有,我想知道我這樣的行為感染愛滋病和梅毒的機率大嗎?我們只進行手交(落BB油,有洗乾淨)有套性交,沒有口交,謝謝你們的答覆。

怕殘留的BB油將安全套腐蝕左,令到性病進入我身體,求回覆,真係好驚,唔知點算。

Hello~ 照你所講嘅情況感染性病嘅風險好低阿,唔洗太擔心 :blush: 先講下手交嘅部分,除非當時對方嘅手或者你嘅性器官上有明顯破損同淌血嘅傷口,再加上其中一方有感染性病,先有傳播嘅機會,如果唔係本身手交依個行為感染性病嘅風險係好低嘅 :relaxed:

至於陰道交方面,只要喺有使用安全套嘅情況下進行,感染性病嘅風險都係好低嘅。雖然你喺使用安全套之前有接觸過BB油,但係你地喺戴安全套之前都有沖涼同洗手,相信已經唔會有BB油殘留喺皮膚度,所以唔需要擔心會侵蝕左安全套 :blush:

另外,都想你知道無論係同性工作者或者其他對象發生性行為都係無問題嘅,性經驗多嘅對象亦唔等於患有性病,只要喺性行為期間使用安全套就可以有效預防性病傳播架啦 :relaxed:

你們好啊,又黎煩你們了,自從上次後過了一個星期,我早兩天洗澡時發現龜頭近尿道口有一點紅斑,不突起不潰瘍不痛,只是有時有點痕癢,但不是那個位置,我就搽了少少藥,第二天好了很多,淡到幾乎看不到,之後我就沒有再理它了,今日我自己手淫後再洗澡發現原先的一粒發展成3粒,又是不痛不癢不突起不潰瘍,但個心就經常覺得中了性病,請問這是甚麼問題?:pray::pray:

唔使咁擔心住。如果正如你所講,你哋發生嘅性行為並唔會有傳染性病嘅風險。 :wink:

性病傳播嘅途徑有體液交換(例如血液、精液和陰道液等),同黏膜交換(例如有開放式傷口嘅皮膚口腔和肛門黏膜等)。而你並無發生沒有安全套嘅口交、陰道交或肛交,所以唔需要太擔心。明顯見到一粒粒嘅肉粒或者紅斑都唔係常見嘅性病癥狀,有機會係因為磨擦而導致紅腫、因為污糟而導致有其他非性病感染、或者係珍珠疹(唔係性病),所以都唔使擔心。 :blush:

龜頭肌膚好柔嫩,所以唔建議自行搽藥膏,以防皮膚會敏感甚至發炎。 :confounded:

同埋記得要做好日常清潔。包皮易藏污垢,每日沖涼時應拉開包皮皺摺仔細清潔,避免因包皮垢積聚而導致皮膚發炎。 :wink:

但既然呢個情況令你困擾,都不妨考慮去睇醫生驗查一下啊!