月經未嚟⋯好擔心!急

Hello​:worried:我上一個月嚟m係12號 呢幾個月嚟得都幾規律 大概都係28-30日一個周期嚟m 咁照道理應該係11號嚟M 但係而家15號都仲未嚟:sob:已經遲咗五日

咁我呢段時間都有安全性行為 係係9月1至7號其間

就因為心諗呢排都幾規律 計安全期應該OK 就冇用到任何安全措施進行性行為:sob:到到宜家都未嚟m 我好擔心啊 不過呢兩日都有用驗孕棒驗過 都顯示為沒有懷孕 係咪我太過緊張所以仲未嚟M

Sorry有小小長!唔該晒

Hello~ 首先想你知道計算安全期並唔係一個有效嘅避孕方法,因為經期嘅長短受好多唔同因素影響,例如生活習慣改變、心理壓力大、生病服食過藥物、長期處於擔心嘅狀態等,所以好難準確咁預算排卵期嘅日子,好多時都要到黎經嘅時候先可以推算返安全期係幾時。

因為宜家已經過左緊急避孕藥嘅服食時限,所以都係建議你地先進行驗孕,見你提到依兩日有驗過孕,想你知道驗孕棒最早可以喺性行為嘅7日後驗出初步結果,如果想獲得更準確嘅結果可以喺性行為嘅11日後再次進行驗孕,你可以買兩個牌子嘅驗孕棒黎驗,如果兩個結果都係呈陰性嘅話就應該係無懷孕啦 :relaxed: 不過都想提提你唔同牌子嘅驗孕棒喺使用方法上都有唔同,所以使用前必須要先閱讀說明書,因為錯誤使用驗孕棒係會影響驗孕嘅結果嘅。

另外,如果你同伴侶現階段未有計劃生育嘅話,建議你地每次性行為都使用返有效嘅安全措施,例如安全套、口服避孕藥、避孕針等 :blush:

Hello,唔該晒你呀,我今日已經嚟左m啦
同埋之後都會選擇食事前避孕藥避孕!

1個讚