Period 未到

上一次period係17/8,週期28-30日,最後一次係5/9有用安全套,今朝(隔11日)晨尿用左CB digital 係Not pregnant 。一直未黎m有多少擔心,呢個時間驗嘅驗孕結果係咪準確?

你好呀 @Ablin! 只要你有跟足說明書上面嘅指示去取樣本,同埋係指定嘅時間內去睇結果,其實係性行為後11日驗孕嘅話,其實個結果已經比較準確架啦。:blush:

明白你一直未嚟M都會擔心,但係月經遲嚟嘅原因都有好多,例如你有擔心嘅嘢就會係其中一樣,又或者生活習慣嘅改變、會唔會好夜訓、最近會唔會好大壓力、有無食緊藥物、會唔會有嘢好擔心等等,都會令月經週期有變架,所以都唔洗擔心住架啦。:wink:

其實想知咩時間先可以最準確咁驗孕,性行為之後14日再驗?抑或預計經期日子後一個星期,甚至兩星期?

其實性行為後7日驗孕就可以得到初步結果,11日後就會得到比較準確嘅結果。其實驗孕棒係透過檢測尿液中嘅hCG(人絨毛膜促性腺激素)含量嚟判斷有無懷孕,因為只有受精卵成功著床嘅女性身體先會會開始分泌hCG,通常著床時間就會係6-9日,咁通常7日就會有初步嘅結果,11日嘅時候受精卵已經完全著床成功,體內嘅hCG分泌亦都足夠檢驗出有無懷孕架啦。另外都可以係預計月經嘅日子驗孕,但如果你以往週期都比較浮動,咁就用返性行為日子去計算會比較準確啦。 :wink:

的確晨尿嘅hCG會比較高啲,但係如果唔係說明書特別要求用嘅話,其實都唔洗特別用晨尿嘅。同埋要記得係驗之前記得唔好飲太多水同埋好密咁驗呀。 :relaxed:

因為都擔心,所以上網睇左好多資料,有啲人要月經遲一兩星期先驗到懷孕,有啲人又話性行為之後14日到三個星期後驗先準確。13/9(預計月經日前一日)發現內褲有少少血跡,所以有擔心係咪所謂嘅著床岀血(16/9驗左係negative 係咪都可以排除呢個可能性?),抑或是內分泌失調等等,始終未試過遲咁耐。另外都想知道如果下星期經期依然未到,再驗孕又無懷孕,係咪可以到普通科門診求醫?

正如 @Kaleo_StickyRiceLove 所講,

咁所以真係懷孕的話,按道理性行為後11日hCG嘅含量已經可以令驗孕結果得到「懷孕」嘅結果。所以當你16/9(性行為11日後)驗孕嘅時候得到「沒有懷孕」嘅結果,呢個結果已經係可靠同埋準確架啦~ :two_hearts: 覺得好擔心的話,都可以再買多一支驗孕棒再驗多一次 :blush: 例如可以考慮再驗嘅時候選擇購買電子驗孕棒驗孕,大部分都能夠顯示埋懷孕嘅週數,加上電子驗孕棒屬於較新一代嘅產品,敏感度同準確度亦會比較高。如果第二次驗孕結果都係「沒有懷孕」,咁就可以更加放心啦 :relaxed:

無錯啊,正如你所講,如果你16/9嘅驗孕結果係「沒有懷孕」,基本上13/9嘅陰道少量出血情況就已經可以排出「著床性出血」嘅機會 :blush:。(補充一下:著床性出血嘅一般係點滴出血,流量係一塊護墊可以盛載到嘅,同埋一般一日內就會流完~)陰道不規則出血嘅情況有好多,有時內分泌輕度失調(例如情緒有改變、有壓力)都會有所影響,或者服用口服避孕藥初期都有機會出現。其他較嚴重嘅原因,就有機會係由於陰道發炎,或者其他細菌/病毒感染所引起。不過只係流一日。血量亦係只有少少的話,暫時都無需太擔心嘅 :relaxed:

如果過往月經週期都好穩定的話,下星期都係未黎月經的話,再驗孕多次亦顯示無懷孕的話都可以考慮搵普通科門診/婦科診所/家計會諮詢一下醫生 :blush:。亦好似 @Kaleo_StickyRiceLove 提及過咁,月經來遲嘅原因有好多,例如:

都想知道最近除左擔心懷孕外,你有無經歷過上面提及嘅因素?因為都有機會影響到你嘅月經來遲嘅情況 :relaxed:

其實無乜特別事情發生左,所以都唔理解係咩原因令月經未黎,今朝晨尿再再用CB電子驗孕棒再驗都係陰性。

問題一: 最後一次性行為5/9,(11日)16/9驗過陰性,(14日)19/9都陰性,其實係咪都好肯定無懷孕?

問題二: 我宜家考慮梗下星期一(預計月經推遲7日)抽血驗hcg,其實相距性行為發生超過兩個星期,抽血驗hcg嘅結果係咪絕對準確?

問題三: 依我嘅情況,最後一次性行已經係兩星期前,其實係咪並不存在遲排卵,引致驗孕結果唔準確呢個誤差?

謝謝

等我一個一個問題咁回覆你啦 :relaxed:

  1. 如果兩次驗孕嘅結果都係陰性的話,其實都可以好肯定你無懷孕。如果你對驗孕結果都係有懷疑的話,可以選擇去家計會/婦科診所,根據醫生及護士嘅指示進行驗孕,護士亦會同你進行評估同埋有醫生幫你診症。

  2. 如果有懷孕的話, hCG(孕激素)係唔會突然消失,所以即使距離性行為發生已經超過兩個星期,到時抽血驗hCG嘅結果都會係準確嘅 :blush: :relaxed:

  3. 首先,因為精子能夠於體內生存2-3日,所以的確係有機會唔係於性行為發生嘅日子導致懷孕,而係之後2-3日內剛好遇到卵巢排卵,先有機會導致懷孕。不過即使係呢一個情況,其實性行為11日後驗孕,其實都已經能夠得到準確嘅結果,因為一般受精卵著床係需要6-9日,所以11日後驗孕呢個時間上係充裕嘅,無需太擔心 :grinning:

其實依家距離你原來預計嘅來經日子只係遲左大約3日左右,唔算遲左好多。可以稍微等多一段時間再睇睇情況有無需要睇醫生 :relaxed: :blush:

留意到你今次性行為其實都有戴好安全套,而驗孕都已經驗左兩次並係陰性結果,不過好似感覺到你依然係有其他嘅憂慮 :pleading_face:。係咪最近都有發生其他嘅事情/身體有其他嘅狀況,令你好擔憂月經來遲嘅原因? :pleading_face: