我今年13歲，係大概8月28同條仔玩69，跟住佢有摸我妹妹，但係冇搞野，但係我而家第36日都未黎m，懷孕機率大唔大，我好驚
你好呀 @_help 
明白你都會好擔心，但係如果你無發生過任何插入式性行為嘅話，基本上係唔會有懷孕嘅風險嘅。當你地無插入式嘅性行為，只係互相口交（69）同對方用手撫摸你陰部，精子係唔會隔空同卵子有接觸變成受精卵而懷孕架。其實月經唔規律都係一個幾普遍嘅情況，好多人都會經歷過，當你有擔心嘅嘢，好似今次咁係擔心懷孕，又或者生活習慣嘅改變、會唔會好夜訓、最近會唔會好大壓力、有無食緊藥物、會唔會有嘢好擔心等等，都會令月經週期有變架，所以都唔洗擔心住架啦。加上你年紀比較細，踏入青春期無耐，荷爾蒙嘅釋放一般都仲係比較浮動，所以月經週期都會比較容易出現變動。如果下次想保險啲，可以係口交時使用口交套／口交膜，撫摸陰部時亦使用口交膜去隔著，減低分泌物接觸嘅機會呀～ 
佢有摸完自己下面之後摸我下面，應該相隔唔夠一分半，之後我地兩個都有著底褲，我坐上佢到磨，但係莫兩下就落反黎冇事架可？
首先，想了解一下對方係咪摸完自己嘅下體（及分泌物）之後，再接觸你嘅時候，其實雙方當時有無著緊衣物／內褲？
如果當時隔住衣物觸碰的話，基本上精子就唔會有機會游到入陰道內。
即使當時雙方係無著到任何衣物，如果對方只係觸碰到你外陰部分，其實精子亦好難游到入去陰道內，所以都無需太擔心，呢次接觸嘅懷孕嘅風險係較低。當然好擔心的話都可以考慮驗孕。因為受精卵著床一般需要6-9日，所以性行為7日後已經可以有初步結果，而性行為11日後嘅驗孕結果就會較準確同埋可靠。香港購買驗孕棒係無年齡限制，所以即使你未夠16歲，都可以於普通個人用品護理店購買。覺得好擔心／尷尬的話，都可以叫朋友／男朋友一齊買，或者同時間與店內購買其他嘅貨品，從而減低尷尬嘅感覺。不過相信購買時店員都唔會太在意你嘅身分（除非你購買時著緊校服的話都有機會留意嘅 
）。
如果下次發生性接觸嘅時候，都想避免呢一個情況，都可以考慮整個性行為過程中，都隔住衣物發生，又或者選擇確保接觸過自己性器官之後，雙方都有洗乾淨雙手，先再接觸對方嘅性器官 
。當然亦可以考慮 @Kaleo_StickyRiceLove 建議嘅口交膜及口交套、指套等工具，避免體液直接接觸嘅機會 
而摩擦方面，一般而言，單單就兩個人都有著住內褲摩擦的情況而言，基本上係無懷孕嘅風險啊 。
基本上要懷孕嘅話係要有性器官／體液嘅直接接觸 ，你嘅情況係當下雙方都隔著內褲摩擦，就算男性勃起嘅時候分泌咗啲透明液體，即係尿道球腺液，雖然裡面含有少量嘅精子，但係底褲已經吸收曬啲液體，再加上 精子非常脆弱，當接觸到其他物質之後，好快就會因為無曬水分同養分而死亡 ，所以著住內褲摩擦的過程中，就並無導致懷孕風險。
咁食咩可以快d黎m？
一般情況下，都唔太建議自行透過特別服用藥物／某類食品去催經，因為有機會過分攝取某種食物，反而會進一步影響個人體質，或者令身體情況更差～ 
催經嘅意思，西醫角度方面，即係透過服用含有黃體酮嘅藥物，提高身體體內嘅黃體酮濃度。當藥物停止嘅時候，血液中黃體酮嘅濃度下降，就會令月經出現。而催經係需要透過打針／服藥去做嘅，一般 需要你嘅月經已經延遲左3至4個月都未黎，並且排除懷孕嘅機會，醫生先會睇你嘅情況考慮有無需要催經 。而中醫角度方面，催經可以透過服用中藥，或者針灸嘅方式，去改善身體氣血循環，令卵巢可以正常排卵，再令月經出現。不過， 不論從中醫／西醫角度黎睇，都需要醫生了解你身體嘅情況，並診斷你嘅情況係有需要催經，先會再透過服藥，或者其他方式同你進行治療。
想了解一下你過往嘅月經週期大概係幾多日？ 如果只係遲左幾日或者一個禮拜左右的話，相信都未有需要去考慮催經 ，一般醫生亦唔會喺呢個情況下開催經藥。
之前大概係32，33日，遲左一個禮拜點算
其實你而家啱啱進入青春期，身體發生緊好多變化，有時經期延遲係好正常嘅事。身體內在同外在嘅因素，例如荷爾蒙分泌、休息不足、精神壓力大、生活習慣改變、服用藥物或者情緒壓力大等等，都會影響月經週期。
你今次發生嘅性接觸無咩風險，所以唔係影響你今次月經延遲嘅原因。即時你無發生今次行為，月經依然有機會發生變化，導致每月週期時間唔同。
而且每一個月經週期嘅長度都可能唔同，所以你都唔需要太擔心日子有變化㗎～
建議你放鬆心態，唔使過分擔心㗎！～