隔左4日未黎

原先今月15號黎,一直都爭準時或好耐試過遲1日,2號菊花有內射,小妹就無做,咁會唔會都中招?

Hello @666 :blush: 首先,都想釐清番係咪即係指你2號發生嘅性行為,對方有喺你嘅肛門內射,但整個過程中都無進行陰莖-陰道插入式性行為? :relaxed:

如果單單只有於肛門內射的話,其實懷孕嘅風險係好低,因為精子係無辦法於肛門內游到子宮內遇上卵子結合。不過要留意嘅係,因為肛門位置同陰道口位置接近,有機會於肛門射精嘅時候,精液倒流番出黎並流到陰道口附近位置。呢個情況下,精液就有機會透過陰道口流到入陰道內,導致懷孕。所以如果你都擔心2號發生性行為當日,精液真係有機會倒流番出黎流到陰道內的話,都建議你儘快去進行驗孕。一般建議性行為11日後驗孕,到時嘅驗孕結果已經係準確同埋可靠。如果係2號發生性行為的話,其實依家都已經夠11日,所以依家已經可以進行驗孕 :blush:

另外都要提醒番因為肛門內嘅黏膜組織脆弱,如果性行為過程中係無戴安全套的話,其實好容易於抽插嘅過程中令肛門受損,導致有性病傳播嘅風險。所以下次發生任何性行為/親密接觸嘅時候,都建議整個過程中都戴好安全套,一方面避免懷孕風險,另一方面都能有效減低性病傳播嘅風險 :blush: :relaxed: 亦都要留意轉換唔同身體部位發生性行為嘅時候,都應該要記得更換一個新嘅安全套(例如肛交後,要換一個新嘅安全套,先再發生陰道交),避免唔同部位嘅細菌/病毒有機會透過安全套感染其他身體部位

而月經暫時只係遲黎左5日,都無需太擔心嘅。月經來遲嘅原因,除左懷孕之外,都有機會係因為情緒起伏、壓力過大、生活作息唔規律、飲食唔均衡,或者最近生病有服用過藥物(例如抗生素)等原因引起 :two_hearts: 最近你有無經歷過類似嘅情況? :blush: