有戴套內射 但都係好驚。。。

前幾日係預計排卵日 有全程戴套 完咗都即刻出翻嚟同埋應該無穿:pleading_face:但都係好擔心出事 爛咗或者漏咗出嚟 始終係危險期。。。

想知

  1. 其實如果穿嘅話會啪一聲 或者好容易發現?
  2. 係咪好多condom都有少少殺精劑嘅成分?因為以前bio堂好似有講過:rofl::poop:

感謝各位

Hello @seracohw :relaxed: 如果發生性行為後好擔心安全套有無穿到的話,可以嘗試性行為後去廁所替安全套裝水,睇睇有無水漏出黎。如果都係無漏的話,咁就可以相信安全套係無於性行為過程中穿到啦 :wink:

等我一一回答你嘅問題先~

  1. 其實安全套穿嘅時候,未必有好明顯嘅聲音/感覺。所以有唔少人真係性行為後陰莖抽出/裝水測試嘅時候,先發現安全套穿左 :cry: :pleading_face: 要避免安全套穿嘅情況,都建議番性行為嘅過程中配合潤滑劑使用(*注意油性潤滑劑係唔可以同安全套同時使用,因為油性潤滑劑會侵害乳膠安全套嘅物料),一方面可以減低性行為時因為摩擦而帶來嘅疼痛感,另一方面都可以避免因為摩擦太過強烈而令安全套有機會破裂嘅機會。

  2. 其實暫時市面上大部分嘅安全套內都唔會含有殺精劑,始終引起致敏情況嘅機會都高。
    的確有部分安全套為左提高避孕效果,所以額外添加殺精劑嘅成分。不過因為殺精劑都屬於化學成分,當增加太多化學成分嘅時候,其實有機會引起性器官致敏情況。所以通常如果安全套產品有額外添加殺精劑的話,都會於包裝/產品介紹上寫明係添加左殺精劑:blush:
    購買安全套嘅時候,記得都要小心留意安全套內含D咩嘅成分,如果用過之後係出現敏感/唔舒服嘅情況,就記得要停止使用該款安全套啦。敏感情況嚴重嘅時候,都要記得及早求醫。不過即使部分安全套係有添加到殺精劑,但係萬一安全套破裂/甩出嘅時候,其實安全套內嘅殺精劑,係無辦法完全令所有精子死亡/失去活動能力。
    所以萬一出現安全套破裂/甩嘅情況,就建議儘快去家計會/母嬰健康院/婦科診所/急症室求醫,於120小時內(事後丸最長服用時限)服用事後丸,減低懷孕嘅風險啊~ :blush: (*注意於香港,事後丸屬醫生處方藥物,係唔能夠於藥房/個人用品護理店購買得到)

唔該晒你啊:cry:就算用咗安全套自己每次都會好擔心 尤其是近危險期嘅時候 希望快啲嚟period無事啦 thanks!:pleading_face:

1個讚

唔使客氣~ :two_hearts:

你每次發生性行為都會使用安全套保護自己同伴侶好好呀!其實安全套嘅避孕成功率都好高,分別為98%(perfect use,完全正確使用),同82%(typical use,一般使用)。所以如果你整個性行為過程都有正確使用安全套,都會有好高避孕成效㗎。 :wink:

而你所謂嘅危險期,其實係排卵期前後嘅幾日時間。由於排卵受好多身體因素所影響,例如荷爾蒙同休息,一般亦要等下次經期出現先可以大概計算返排卵日子,無辦法「預計」,所以記得唔好單靠計算安全期嚟避孕呀。 :blush:

另外,都明白你擔心淨係用安全套可能有意外懷孕風險,你都可以考慮下使用荷爾蒙避孕法,服用口服避孕藥或者打避孕針。配合埋安全套,兩種避孕方法一齊使用,可以再降低意外懷孕風險。 :wink:

嗚嗚月經遲咗兩日:pleading_face:平時都幾準的 due day用驗孕棒test咗一次係negative 因為我胸部都已經有脹痛咗成個幾星期 都有其他pms症狀例如食多咗嘢 又好攰 以為好似平時咁就嚟嚟月經:pleading_face:今日發現有少少咖啡色分泌物 但都係未有月經嘅蹤跡:sob:好擔心其實會唔會係早孕嘅症狀

因為嗰少少咖啡色分泌物之後都係變翻平時普通白色咁:pleading_face:

喺性行為嘅11日後使用驗孕棒檢測出黎嘅結果係好準確嘅,所以如果有按照說明書指示進行驗孕而驗出黎嘅結果呈陰性就應該係無懷孕,唔需要太擔心 :relaxed: 至於胸部脹痛、容易疲倦同埋流啡等情況有機會係月經前嘅徵狀,因為經期會受好多唔同嘅因素影響,例如生活習慣改變、生病服食過藥物、心理壓力大等等,所以月經比預期提早或者延遲幾日黎都係正常嘅 :blush: 可以先嘗試放鬆心情,如果月經比預期過左超過一星期依然未黎嘅話,就建議睇醫生了解返身體狀況 :man_health_worker:t2: :woman_health_worker:t2: