hello 我今年17歲有食開輕樂偶5個月，下個月想轉去家計會到買輕樂偶，因為平啲，想知道我未夠18歲而預約上去配藥需唔需要家長同意？同埋見完姑娘買藥我可唔可以買返輕樂偶？因為食完冇負作用。
Hello @miko 
如果係家計會的話，雖然現時香港法例上最低合法性交年齡為16歲，不過其實部分女性服用避孕藥並非只係為避孕，有時有機會可能係為左調節經期，所以有唔少即使年齡上未夠16歲嘅女性，都係會有需要服用避孕藥，而家計會嘅醫生都係會開藥比佢地 
所以即使你未夠18歲，都無需擔心啊～ 
如果你現時對服用緊嘅避孕藥藥效滿意，而無咩太大副作用的話，都可以同醫生表示你依家服用緊嘅藥物服用情況係唔錯。當然，醫生除左會問你依家服用「輕樂偶」嘅服用情況之外，亦會因應你嘅個人體質、生活習慣等嘅範疇，去再評估係咪建議你繼續服用「輕樂偶」，還是可能建議你服用其他更適合你體質、個人需要、生活習慣嘅避孕藥 。
最後都提醒番，一般我地都會建議服用任何避孕藥之前，必須諮詢醫生嘅意見，等醫生評估你嘅體質／生活習慣，係咪適合服用避孕藥，或者適合服用邊一個牌子／款式嘅避孕藥 
。
原因係因為每個牌子／款式嘅避孕藥內含有嘅荷爾蒙類型同埋劑量都會有唔同 ，有機會某部分避孕藥唔適合你嘅體質，係有機會引致嚴重嘅副作用。 而避孕藥亦並非每個人都適合服用 ，一般常見唔適合食藥嘅情況，例如有心血管疾病、不規律陰道出血、體重過高等。所以下次有機會打算服用其他牌子／款式嘅避孕藥嘅時候，都要記得諮詢左醫生意見先 ，避免有機會引發嚴重嘅副作用 
唔該你咁詳細解答
所以全個過程都唔需要家長同意？
1個讚
係啊，醫生評估同埋買口服避孕丸的話整個過程都無需攞家長同意，唔洗擔心
唔該哂你 多謝有呢一個平台比我問同埋有你地答我 
2個讚