之前keep住一星期會同男朋友有親密接觸但冇性行為，即係佢幫我用手，我又幫佢打飛機咁。唔知會唔會係冇清潔乾淨隻手幫完佢又掂自己，或者佢掂完自己再掂我而有啲擔心中招。
我平時週期40日左右，而家47日都未有…
通常精子暴露喺空氣中幾分鐘內就會死亡。而如果精子只係接觸咗陰道口，都會比較少機會導致懷孕。所以都想知道返你嘅情況係點？ 
如果你擔心有懷孕風險，下次可以喺過程中洗手，或者抹乾淨手，先進行陰道插入式嘅行為。而家亦有唔少成人用品商店有得賣指套（手指用嘅安全套），你都可以考慮使用，增加保障。 
而關於經期延遲，除咗懷孕之外都有好多其他因素影響，例如身體荷爾蒙分泌失調、壓力、作息時間同服用藥物等等。其實都係正常嘅生理現象。你呢個月會唔會有壓力較大、休息不足或者食咗藥嘅情況？
同埋月經週期其實唔係一直唔變嘅，每次月經週期嘅日子都未必相同，所以你可以唔使太擔心～ 