Hello,我今日同男朋友搞過但係冇插過，只係佢用手指插過我下面一時有隔住內褲一時冇隔，但唔知佢搞我下面之前有冇摸過佢下面，同埋佢用手插我嗰陣我都有幫佢打過飛機，打打下feel佢射咗d透明液體係我肚到但唔知有冇射咗落我下面到，然後我哋都有著内褲係咁磨下面但唔知係滑咗佢條野出嚟，我想問會唔會有咗，我幾日前先嚟完m，我通常都係隔30幾日先嚟一次好唔準，搞完之後而家覺得嗰肚脹左咁同埋覺得自己會有咗咁，好驚
Hello～唔駛咁驚住～ 
首先想解釋返你所講嘅透明液體其實係尿道球腺液，作用係喺性行為中潤滑同中和陰道酸鹼值，而尿道球腺液係有機會含有精子嘅，因此我哋都會建議喺性器官有接觸嘅時候，整個過程都要使用安全套。 
但你嘅情況，其實懷孕嘅機會都好低。首先，精子喺空氣中嘅存活時間好短，幾分鐘內就會死亡。而且，如果只係接觸陰道口，精子進入陰道同子宮嘅機會都好微。係互相摩擦嘅時候有隔住內褲，係唔能夠令精液同精子穿透而進入陰道嘅。雖然你感覺到對方有將透明分泌物射落你肚上面，但其實距離陰道口都有一段距離，都唔會輕易流到落去，即使流到去陰道口亦好難自己流入陰道嘅。而且如果真係流到陰道口你都應該會感受到，所以都唔駛太擔心。 
而正常嚟講，精子與卵子相遇受精，受精卵著床都要用6－9日時間，所以你所講嘅發生完性行為就有肚脹感覺就應該唔關事。有好多因素都會導致腹脹，例如腸胃不適，如果情況持續你覺得唔舒服，都會建議你去睇下醫生。
下次如果想進一步減低分泌物間接觸到身體嘅可能性，即使無插入式嘅性行為都可以考慮為陰莖戴上安全套，或者係指交嘅時候使用指套（亦可以用安全套代替），又或者每次接觸完陰莖都清潔一下雙手先再掂其他身體部份。
唔該晒你呀
同埋我想問下我哋兩個都有著內褲磨，而我都有濕好驚佢d分泌滲入我下面
精子接觸到空氣之後通常幾分鐘內就會死亡，而接觸到衣物會進一步減低精子嘅存活率，因為精子需要有前列腺液提供養份先可以生存，當精液接觸到衣物嘅時候，前列腺液會被吸收同蒸發，精子就無辦法生存架啦
我想問下咁樣係咪唔會有咗，因為我驚磨擦嘅時候好驚條內褲歪咗d分泌物掂到陰部，同埋而家周身酸痛，個肚好似谷m咁
係阿，就好似 @Ching_StickyRiceLove 上一個回覆咁講，如果陰莖只係接觸到陰道口，精子進入陰道同子宮嘅機會係好微嘅 
至於周身酸痛、個肚脹痛嘅情況有好多唔同嘅因素造成，並唔只係懷孕嘅徵象，而且 @Ching_StickyRiceLove 亦都有解釋到
所以建議你盡快去睇醫生了解返身體狀況阿 
另外，都建議你嘗試搵方法放鬆心情，例如做下運動、同朋友傾下計咁，因為長時間處於擔憂、緊張嘅情緒都會影響身體健康嘅 
我仲係好擔心，因為最近我腸胃超級差，同埋而家減緊肥，所以成日都去唔到廁所，同埋埋網上面有啲人話有咗會便秘搞到我擔心
Hello @Abc1111 
的確懷孕過程中，係有機會出現便祕嘅情況，不過其實便祕都有好多其他原因可以引起，未必一定係同懷孕有關啊～ 正如 @Ching_StickyRiceLove 提及過你今次性行為導致懷孕嘅機會係好低，所以相信都可以撇除因為懷孕而導致懷孕嘅可能性。睇你嘅情況，最近腸胃問題其實都有機會係減肥而引起 。
有時因為減肥而導致體內嘅水份流失，加上飲食上突然嘅改變（例如攝取過少纖維），都會有機會導致便祕、腸胃差左嘅情況出現 
都會建議可以先嘗試飲番多D水、保持飲食均衡／吸收足夠嘅膳食纖維（例如蔬菜、水果、穀類早餐）、或者做多少少運動（例如瑜珈）都有助腸道蠕動啊～
正如 @Ana_StickyRiceLove 所講， 如果身體腸胃唔舒服／便祕／周身酸痛嘅情況持續，都建議及早睇醫生，了解下以上問題係因為減肥所引起，還是身體有其他地方出現左問題啊 
。
Hello,2號嗰陣我有同男朋友親密過，過程中都係好似上次咁，但係今次佢都有著番褲，而我都係就咁著底褲磨，磨完之後我都係幫佢打過一陣，跟著佢就自己打番我就用手隔住底褲咁搞下，搞我下面之前我用酒精搓手液消毒下隻手因為我有掂過佢條野咁我驚d分泌物仲係到，然後我哋各自搞自己咁，最尾佢就射咗係我個身到，佢d精都有溜咗係床到我起身去廁所嗰陣，唔小心high 到係我屎忽到但係我到有用紙巾抹番佢，我想問咁樣有咗嘅機會大唔大，我平時都有個app check番自己嘅經期咁，同埋而家係應該係排卵期好驚有咗，我而家成日都好似好攰咁，個肚谷住好似消化不良食多咗唔舒服咁，有少少頭痛頭暈，心理好大壓力同焦慮，搞到d情緒好亂咁，好想死咁
Hello~ 照你所講嘅情況係無懷孕嘅風險嘅，唔需要太擔心 就好似我地之前咁講，精子喺空氣中嘅存活時間好短，幾分鐘內就會死亡，而且隔住內褲互相摩擦係唔能夠令精液同精子穿透而進入陰道嘅。唯一要留意嘅係如果伴侶射精時係射喺你身上嘅話，建議唔好射喺陰部附近嘅地方，例如肚／大脾上，以避免精液意外流入陰道。不過你所提到臀部唔小心接觸到床單上嘅精液係唔會造成懷孕嘅，因為精液無直接接觸到陰道，而你之後亦都有用紙巾抹返，所以係唔會有精子存留架啦
至於容易疲倦、肚脹、頭痛頭暈、情緒波動等情況有機會係因為排卵期嘅荷爾蒙變化所致，如果不適嘅情況持續嘅話，建議去睇醫生了解返身體狀況 另外，因為長期處於焦慮嘅狀況對身心健康都唔好 
所以建議你嘗試搵啲方法放鬆心情，例如做下運動、食下自己鍾意嘅野食、同朋友傾訴下咁，當然如果你唔介意嘅話都歡迎同我地傾訴你嘅壓力同煩惱 
1個讚
真係唔該晒你呀睇完之後都放鬆咗啲啦
Hello ,到而家我仲未嚟m，個app話會今日嚟但係而家仲未有，好驚，而家個肚有啲脹同痛，個胸有啲谷住咁，唔知會唔會有咗好驚
Hello ,到而家我仲未嚟m，個app話會今日嚟但係而家仲未有，好驚，而家個肚有啲脹同痛，個胸有啲谷住咁，唔知會唔會有咗好驚
唔洗緊張住先，只係隔住底褲摩擦嘅話，其實懷孕嘅風險真係好低架。好似上面 @Ching_StickyRiceLove 同 @Ana_StickyRiceLove 咁講，精子係空氣中好快就會死亡，同埋佢接觸到底褲嘅纖維都好快會死架啦。
你可以去一啲個人衛生用品店買驗孕棒，價錢大概$40左右，按照返說明書上面嘅指示去做，記住要係指定嘅時間內去睇結果，如果個結果係陰性嘅話，你就可以安心啦。
市面上一啲應用程式好多時候都係一個參考作用，通常啲Apps都會用一個28日嘅週期做標準去提你下次幾時嚟M。當你輸入返你自己嚟M嘅日期嘅時候，佢就會根據你每一次輸入嘅日期去計算一個平均值，推算返你下次會幾時嚟，而你每次輸入一個日期其實佢嘅平均值都會唔一樣，所以都未必真係完全正確架。同埋每個人嘅月經週期其實都唔一定係28日，好似你咁，月經週期就係隔30幾日先嚟一次，所以都唔需要擔心嘅。 
同埋你都有講你自己減緊肥，其實飲食習慣、生活作息、情緒、壓力、有無食緊藥等等都會令月經狀態同週期有改變架，可能你減肥嘅時候嘅飲食習慣改變咗，都會令月經有唔同嘅狀態架。
至於肚漲肚痛，個胸谷住，其實都唔一定係懷孕先有嘅，有啲人係嚟M前都可能會出現咁樣嘅情況嘅。其實都唔可以單憑一個或者幾個症狀去判斷究竟有無懷孕嘅，所以都係用一啲比較科學嘅方法去檢查下會比較安心架，例如驗孕棒或者去診所驗孕。 