性病病毒和細菌出了患者身體之後能否存活?

1.性病病毒和細菌出咗性病患者身體之後暴露係物件上係咪無法生存?就算暴露係濕潤嘅環境(例如水龍頭上面)都好快死?但係hpv菌另計?(之前睇新聞話公眾環境有啲hpv菌)

2.是否一定要與性病患者有性接觸先會傳染性病?平時冇咩可能會間接感染到性病?

謝謝你們!

Hello~ 常見嘅性病傳播途徑有以下3個情況:(1) 接觸到患者嘅高風險體液,包括精液、腸液、尿道球腺分泌(Pre-cum)、陰道分泌及血液、(2) 身體較薄嘅黏膜組織 (如:肛門、直腸、口腔、陰道、眼睛、鼻腔等)有淌血嘅傷口,並直接接觸到患者嘅高風險體液、(3) 直接接觸到患者潰瘍/有病徵嘅皮膚,如陰毛、性器官上安全套無法覆蓋嘅位置。所以單單接觸患者嘅衣物/患者接觸過嘅物件係唔會感染性病嘅,同性病嘅種類無關。

至於「喺公眾環境有機會感染性病」嘅講法,係講緊一啲好極端、甚少機會發生嘅情況,例如如果你去廁所嘅時候見到廁所板有一灘血,嗰灘血係來自性病患者嘅,而你見到廁所板上有血都照坐落去,又咁岩你接觸到廁所板嘅皮膚有淌血嘅傷口,先有機會感染性病。其實只要有正確使用安全套,已經可以有效避免感染性病架啦 :blush:

感謝你的解答:pray:t2:請問關於(1)所講嘅途徑,係咪我乾嘅皮膚(例如手指)掂到性病患者嘅體液都有機會感染性病?同埋(2)所講嘅途徑,係咪同性病患者接吻時就算雙方口冇流血同傷口,都有機會傳播性病? thank you!

(1) 咁嘅情況係唔會有性病傳播嘅風險嘅,因為手指本身並唔係黏膜組織,而且亦無明顯淌血同破損嘅傷口,加上手指接觸到嘅體液份量有限,而性病係需要有一定嘅體液份量先會令接觸者有感染嘅風險嘅。

(2) 就好似我頭先咁講,性病需要有一定嘅體液份量先會令接觸者有感染嘅風險,以口水為例,至少接觸到有1公升嘅口水量先會有性病傳播嘅風險,所以雖然口腔係黏膜組織,但同患者接吻係唔會感染性病嘅。

係咪即係就算手指有淌血(鮮血)同乾左嘅傷口,接觸到患者嘅體液,都唔足以傳播性病?
Thank you

其實性病要傳播嘅話,係需要一定份量嘅體液交換先可以做到嘅,好似 @Ana_StickyRiceLove 嘅其中一個感染性病嘅情況:

同埋佢都有講到:

所以感染性病嘅風險係好低架。 :wink:

當然,你手指已經有明顯傷口嘅話,其實都唔應該接觸對方嘅體液,有機會體液裡面有細菌,反而可能會感染到其他嘅細菌引致發炎架。 :pleading_face: