好擔心有左bb

我上次8月8日月經,
9月頭同男朋友試做第一次,
但只係試左幾下無射到。
正常應該35日一個cycle … 但到宜家仲未黎m,
Sex完左14日同16日之後既下午check過一次,
結果係無懷孕。
之後上星期六做左安全性行為,由頭開始到尾都有用套。
尋日開始個胸又漲漲地,我要唔要再check下?

Hello @Abc1234 :relaxed: 如果已經嘗試過性行為11日後驗孕,驗孕過程中亦有依足說明書嘅指示,咁該次嘅驗孕結果都已經係準確同埋可靠嘅,無需太擔心啊。而上星期六嘅性行為後如果檢查過安全套係無穿的話,相信懷孕嘅風險亦係好微。所以今次乳房漲漲地嘅感覺,相信未必係由懷孕所引起。

胸漲除左可能係懷孕初期徵兆之外,其實部分女性月經來潮之前都會有機會出現乳房脹痛嘅情況,所以都唔需要太擔心 :wink: 其他常見嘅經前症狀,包括:頭痛、腹脹、肌肉酸痛、容易疲倦等。經前症狀會因為每個人嘅身體嘅情況而有所唔同,唔係每一個女性,亦唔係每一次月經都會經歷經前症狀。

月經來遲除左懷孕之外,都有機會係由其他因素引起,例如最近情緒起伏較大、壓力過多、生活作息唔定時、飲食唔均衡、最近病過要服藥(特別係抗生素)等。都想了解一下最近呢個月有無經歷過特別嘅狀況,有機會令月經來遲左? :grinning:

最後都想稱讚番你地第一次性行為之後嘅性行為,有從頭到尾有戴好安全套啊! :smiling_face_with_three_hearts: :+1:t2: 安全套除左有效避免懷孕風險之外,都有助減低性病傳播嘅風險~ 所以都建議之後發生嘅性行為都繼續整個過程都帶好安全套 :two_hearts:

中間無食過特別既藥丫,都係必理痛,
由細到大有偏頭痛所以食

係預計period 前到宜家都keep住有分泌物,下腹有時會痛,但係就已經遲左2星期無黎到。如果咁會唔會呢個月唔會再黎m?

如果過往食過必理痛,但係都未嘗試過好似今次咁遲大約兩個星期(假設今次月經週期都係大約35天)都未黎的話,咁就有機會今次月經來遲係因為其他因素引起 :pleading_face:。又或者你會唔會覺得今個月嘅偏頭痛情況強烈左?

同埋想了解一下,你所指預計月經前到依家都keep住有分泌物係點樣嘅?例如係咩顏色、質感、有無異味?而下腹痛時候嘅感覺又係點樣嘅?

如果分泌物嘅顏色並非如一般健康正常嘅白帶咁透明/奶白色,而係啡色、含血絲或其他異常顏色,並且持續左兩個星期左右的話,其實都唔係一個正常嘅情況。建議可以去家計會或者其他婦科診所睇睇醫生,睇下係咪身體出現左咩問題 :woman_health_worker:t2: :man_health_worker:t2:

之前係好擔心有左bb…所以壓力好大
第一次之後會唔會影響到荷爾蒙失調?

分泌物有少少偏黃,有時會較為”傑”身
味就無乜既

下腹period前好似就m咁痛,之後宜家有時好似俾人”lin”住或者好似扯住痛。但就無咁密,唔係全日keep住痛

壓力過大係常見嘅月經來遲嘅原因之一 :blush: 好多時當女性擔心自己有機會懷孕嘅時候,壓力都會好大,或者都會出現覺得焦慮困擾嘅情況,係會影響個人嘅荷爾蒙分泌,而呢個情況都係正常嘅。不過依你所講,之前驗孕結果已經顯示無懷孕,相信宜家個心都已經可以定少少 :relaxed: :two_hearts:

分泌物偏黃,加上腹痛嘅徵狀,有時排卵期或者就快黎月經嘅時候都有機會出現,無需太擔心 :blush:。暫時睇番日子,其實都有機會係黎月經前嘅徵狀啊~

不過因為陰道受到感染嘅時候,其實都有機會出現分泌物偏黃以及腹痛嘅情況。所以如果分泌物異常/腹痛情況持續,都建議及早求醫啊 :woman_health_worker:t2: :man_health_worker:t2: :wink:

腹痛,分泌物偏黃已經持續左一個月啦:confounded:
但period都未到
近呢2日都有胸漲痛,腹痛呢2日有痛左。
會唔會已經直接去左下一個月既period skip左今個月?

其實過左3星期驗孕,係唔係其實咩時間驗都可以驗都會準?

另外想問下,如果今日check 多次都係無懷孕,係咪代表上上個星期六既性行為都check 到係無懷孕?

首先驗孕方面,唔同嘅驗孕棒牌子嘅使用方法同時間都唔一樣,所以最緊要係喺使用前先參閱說明書,不過就好似 @Sze_StickyRiceLove 咁講,

所以唔需要太擔心有懷孕嘅風險 :blush: 而你琴日嘅驗孕係可以檢測出上上個星期六嘅懷孕結果嘅,因為驗孕棒最早可以喺性行為嘅7日後測出初步結果,而喺性行為嘅11日後驗孕就可以檢測出更準確嘅結果,所以你琴日嘅驗孕結果呈陰性就代表上上個星期六嘅性行為無造成懷孕啦 :relaxed: 至於持續腹痛同分泌物偏黃嘅情況,加上月經都比預期遲左多過兩星期,都真係建議你去睇醫生了解返身體狀況阿 :pleading_face:

如果驗之前飲左水會唔會影響到check唔到懷孕咖?

如果睇醫生應該睇婦科?我之前未睇過婦科:confounded:

其實飲完水之後驗個影響唔會好大嘅,因為你飲完水之後唔會即刻就可以排到出嚟,都需要一啲時間經過食道,身體吸收,之後再將廢物連同水分流入膀胱,膀胱裡面有一定量嘅尿液,先會排出嚟嘅,所以驗之前飲少少水都唔係好緊要。:slight_smile:

係呀,你可以去家計會或者婦科睇都得嘅,如何你選擇去家計會,26歲以下嘅話,你係需要打去青少年保健診所預約嘅,但係26歲以上就可以直接去婦女診所 walk-in就可以架啦。其實同你平時睇病無咩分別,都唔洗太緊張架。:wink:

但係記住都要睇番佢地嘅營運時間呀:blush:

我period 遲左3星期終於黎左,咁係咪下個月一樣會照delay?

月經終於都黎左,咁就可以確認係無懷孕啦 :blush: :wink: :smiling_face_with_three_hearts:

一般黎講,會由黎月經果日開始,再重新開始計算月經週期。即係如果你過往都係大約35日黎月經的話,咁下次嘅預計來經日子就會係35日之後啦。

不過正如好似今次月經咁,有時情緒有起伏、壓力過大等因素,都有機會影響到月經來遲。所以如果下次月經都好似今次咁,因為其他因素而有來遲嘅情況發生,都無需太擔心啊 :blush: :relaxed: