想問我23/9開始食新一個月嘅避孕藥 然後食到第4日即係26/9 跟住同男朋友發生性行有內射 想知唔知懷孕機率高唔高 但我本身有食開 今個月開始已經係緊食第5個月 但想知道要唔要話食到第7日先有效 我自己係食緊21粒裝 係家計會買個款Nordette
Hello~ 照你所講嘅情況，只要有持續同定時服藥，懷孕嘅機會係好低嘅，唔需要太擔心 
因為避孕藥嘅人造荷爾蒙既可以抑制卵巢排卵，而且可以令子宮內膜產生變化，使受精卵無法著床，同埋可以增加子宮頸分泌物嘅黏稠度，令精子難於穿過黏液，進入子宮腔內，所以佢嘅避孕成效係好高嘅，根據研究資料，婦女喺第一年使用依種避孕方法後嘅意外懷孕機會為係0.3－9%(https://www.famplan.org.hk/zh/health-info)。
至於開始服藥後第7日先有效係講緊初次服藥嘅時候，因為身體需要時間適應藥效，所以開始服藥嘅首7日需加用外用避孕方法，例如安全套。而好似你嘅情況，已經持續服藥5個月，藥效已經正常發揮，而且喺停藥期間藥效都依然持續嘅 
想再問下 基本上食咗避孕藥幾個月有準時食藥身體冇覺得唔舒服 係咪懷孕機會已經好低
咁一直keep住食到一年 一年後係咪懷孕機會會再少啲 因為自己應該會keep住一直食 同埋本身食開嘅避孕藥冇問題 係咪唔洗轉 會唔會話食耐咗身體適應咗就冇用？
持續服食避孕藥一段時間之後，因為身體已經適應左藥效，而且亦都已經建立左每日定時食藥嘅習慣，所以懷孕嘅機會係會比頭一年服藥時低 而避孕藥嘅藥效係唔會因為食耐左而減低嘅，不過都建議每年去覆診了解返自己嘅身體狀況係唔係適合繼續服藥 
