每次性行為後都有尿道炎!所有方法都冇用

係今年4月同男朋友做左後就患上第一次的尿道炎。之後就冇停過、一食完藥,以為醫番好既時候,一做,隔日一定會有尿道炎,然後又睇醫生,又食藥。不停重複到7月。終於忍不住去看了泌尿科醫生,種左菌,發現係抗藥性大腸桿菌後,轉介了去醫院打針,連打了5天。然後醫生有開一些低劑量抗生素俾我,話房事後食一粒黎預防,食完後可以試下做完唔食。昨日就係啲藥啱啱好食曬,嘗試下唔食。然後今日就即刻又有尿道炎、即刻去睇左附近個診所食抗生素。請問有冇人好似我咁?醫極唔好⋯係咪成世都唔洗有性行為了?

**我每天都食紅莓素,維他命C,性行為前後大家都有沖洗,事前事後都有去廁所⋯可以做既都做曬,真系心好攰。有冇人有建議⋯定我有其他問題?

Hello~ 睇返你嘅情況,見你都有嘗試過唔同嘅療程,但每次完成療程後發生性行為就再次感染,有機會係因為你男朋友都有感染尿道炎,而喺性行為嘅時候傳染左俾你。因為並唔係每個人感染尿道炎後都會有明顯嘅病徵,所以都建議你帶埋男朋友去見醫生檢查下 :woman_health_worker:t2: :man_health_worker:t2:

另外,見你提到性行為前後都有清潔同排尿,咁樣做的確有助預防尿道炎,不過想提醒多點就係建議性行為時使用返安全套,因為安全套除左可以預防性病之外,都可以預防其他細菌 。你亦都可以按情況使用口交套、口交膜同指套,咁就可以避免性器官嘅直接接觸,從而減低感染嘅風險:blush:

見你提到種菌嘅結果係大腸桿菌,除左經性接觸感染之外,亦都有機會係同個人衛生習慣有關。例如去洗手間嘅時候建議從陰部抹向肛門,同埋用輕印嘅方式抹乾,咁就可以避免將肛門嘅細菌帶入尿道。另外,都建議你分開清洗感染時穿著嘅內褲,避免同其他衣物或者屋企人嘅衣物一齊清洗,好返之後亦都建議棄置感染時穿著嘅內褲,以免有細菌殘留喺內褲表面而造成反覆感染。

明白尿道炎反覆感染的確令人困擾 :pleading_face: 不過都想你知道依個情況並唔罕見,而且只有對症下藥,每次性行為時都使用返安全套,就可以有效預防同治療尿道炎 :relaxed: 另外,因為有機會出現食藥後病徵消失,但依然有細菌殘留嘅情況,所做建議你食完藥同無曬病徵之後再去驗多次,確保已經無其他嘅細菌感染,咁就可以避免食藥後立即反發嘅情況啦 :blush:

1個讚

@chkpsj 你好呀~ 因為最近我同partner發生性行為後有尿道炎,聽聞易返發,我都有d擔心,想問問你近況有冇好轉? 醫生有冇咩建議可以做到預防? thxx