其實我有個問題成日想問好耐
D陰毛其實好煩 有時又好痕
究竟有冇咩方法可以處理下佢 其實可唔可以刮掉或者剃甘D？
人體身上每樣野都有佢既功用既，以我所知，陰毛可以避免生殖器官附近皮膚係性交時因不斷摩擦而受傷。不過唔少人可能因美觀原故剃左佢。但係要小心，皮膚係剃毛後其實已做成損傷，好似男仔剃鬚咁，因此剃毛後要更注意衛生，避免感染。另外長時間痕癢，而陰部又有紅疹情況，可能出現陰蝨，需要尋求醫生治理，而間唔中痕，又唔係痕好耐，就未必係有大問題，不過最緊要平時注意衛生同清潔，咁就唔駛憂心。假若超擔心，當然向醫生查詢啦！
1個讚
剃一陣佢又生返真係好煩!
太長剃唔走,我剪短左再剃,但宜家大約過左一個星期,佢又生番出黎
但佢岩岩生出黎個D好硬,然後生出黎個個位有D生暗倉,有D變紅左,又有D好似流血咁
咁係咩事?同埋有咩解決方法?
如果長期都係有傷口或腫脹, 第一, 考慮下感染性病風險大唔大? 如果唔大, 可能只係一般發炎, 睇普通科醫生已經可以處理
我唔搞個D野,只係平常日常生活,唔會真係有性病阿= =?
係暗倉多左D…
不過近日都開始無乜問題,但唔係人人都有錢睇醫生,所以先上黎問問先= =(如果大問題當然要睇…)
如果近日無事就好呢…陰部嘅皮膚，有時都會因為油份過多，又或者太乾燥而出現腫脹或傷口，情況就好似面部皮膚生暗瘡，如果排除性病感染嘅可能，都唔需要太擔心，有需要時去政府門診都ok
1個讚
都想了解下你剃毛嘅習慣，你會係沿著邊邊剪，定係全部剃哂？
如果有Ｄ位太敏感同係皺皮位建議可以唔洗剃嘅
我自己就淨係修個Ｄ邊邊位，兩三日就要剪一次伽啦
同埋你係點剃，啱啱生個Ｄ真係好硬又好短，如果可以等佢長小小先剃就最好。
我一定係濕剃，一定乾剃會好易整到流血伽！！！
濕剃即係沖涼個時有泡泡搽咗上去先剃，亦都有試過用剃毛膏
小心Ｄ唔好整損，如果有你講嘅生暗倉同紅嘅情況就唔好剃先，等佢好返先再搞啦
另外，好基本嘅嘢，剃刀唔好慳，買即用即棄個Ｄ用，衛生Ｄ
剃完搽返Ｄ ＣＲＥＡＭ或者ＧＥＬ，保護返佢
仲有冇咩問題呢？可以再一齊傾下！
近日毛個部份無太大問題,不過性器有損傷,應該係天氣問題
我係見唔多舒服先剃,只係剃得一次,因問題太多,所以無打算剃第二次
我係因為唔識剃,剃左入面個位,之後覺得一高一低唔好睇,所以剃左唔少比較出少少o既,我係沿邊剃入去
我係沖涼個時用剃SO個D刀片剃,其實差唔多全身o既毛都有剃過,係下面個到問題嚴重D
其實差唔多剃左成一個月,應該無乜野,只係熱氣個時有D暗倉
以上述其他人答過, 假如你剃得過短, 是會容易引起敏感的 
同時, 也注意內褲衞生問題, 有些用料是較易引起敏感的, 純棉會較不易引起敏感; 假如是太舊的話, 也試試換新的
假若以上都試過, 也不湊效, 那真的建議你看看醫生