同女友安全性行為後 女友月經好耐都未到

話說我哋9月2日發生咗一次安全性行為,事後有確定安全套冇穿,但係到而家月經仲未到,女朋友好擔心會唔會有BB,本身我都冇特別擔心,但係見佢上次月經嚟到已經係8月頭幾日到而家近兩個月都未到,我都開始有啲擔心…我哋安全性行為後幾日,佢話有啡色嘅分泌物響M巾上面,我哋以為月經到,點知到而家都未到…
我哋發生安全性行為嘅日期係預計月經到嘅前一至兩日,想問會唔會因為咁而令月經延遲咁耐?
而且9月份我哋都比較夜訓同食咗5-6次韓燒,唔知會唔會都關事?
最後近呢一兩日女朋友話佢個胸有啲硬,咁係唔係代表佢月經即將到?
會唔會有啲咩嘢方法可以令佢月經準時返?
唔好意思,我唔係好知應該點樣問:pray:t6::pray:t6::pray:t6:

Hello @Loco :blush: 2/9嘅性行為,事後有確認安全套無穿的話,導致懷孕嘅風險係好微,無需太擔心 :relaxed: 如果女朋友好擔心的話,都可以考慮去進行一次驗孕。一般性行為11日後驗孕,結果已經會係準確同埋可靠,所以宜家都已經可以隨時去進行驗孕,希望有助你地放心番D先 :smiling_face_with_three_hearts:。情緒平復番D,都有助月經週期變得穩定。

月經來遲可以有好多原因,例如情緒有起伏、壓力過大、生活作息唔定時、飲食唔均衡、最近生病有服藥(特別係抗生素)等。所以如果9月份女朋友嘅生活作息係有明顯變化的話,加上之前擔心懷孕風險以致情緒有起伏,都有機會係導致月經來遲嘅原因。而從健康角度,都建議飲食要均衡,避免太過頻密地食含有大量油脂食物,影響體內的荷爾蒙平衡。

所以針對以上月經來遲嘅因素,生活中如果能夠保持作息穩定、飲食均衡,同埋保持心境平和,都有助月經週期變得穩定啊 :smiling_face_with_three_hearts:。不過同時都要明白月經本身就好似上文所講,係有好多因素影響,所以都好難令月經週期「準時番」,只能夠透過慢慢調節生活作息,同埋穩定情緒,慢慢令月經週期變得「穩定」 :wink:

性行為後幾日出現嘅啡色分泌物,除左有機會係因為性行為過程中摩擦太強烈,導致陰道內出現傷口,有血絲出現外,亦有機會係排卵期出血所致。如果並非持續出血,血量亦唔似一般月經嘅經血量的話,咁相信該次嘅分泌物就如你所講,並非月經來潮。

乳房脹痛的確有機會係經前症狀。 其他常見嘅經前症狀,包括:頭痛、腹脹、肌肉酸痛、容易疲倦等。不過要留意番,經前症狀會因為每個人嘅身體嘅情況而有所唔同,唔係每一個女性,亦唔係每一次月經都會經歷經前症狀。不過始終乳房脹痛都有機會係因為其他因素引起,唔能夠單憑呢點去肯定今次乳房脹痛屬經前症狀,亦唔代表月經一定會就到。暫時可以睇多幾日先嘅 :blush:

最後都想問番女朋友過往嘅月經週期日子係點樣,大概係隔幾多日?如果過往都未試過好次今次咁隔兩個月都未黎月經,而今次預計來經日子都係未有月經的話,都建議睇睇醫生,了解一下月經仲未黎嘅原因啊 :pleading_face: :blush:

Thx a lot​:pray:t6::pray:t6::pray:t6:
女朋友之前曾經都試過一次係咁,同樣安全性行為後 ,確認咗安全套冇穿,但係都係大約一個半月後先有月經,不過今次仲耐過上次都未有月經,所以有啲擔心…

如果女朋友之前都試過大概一個半月先黎月經的話,咁今次都無需太擔心住嘅 :blush:。始終最近生活作息方面都有所變化,所以都有機會進一步影響月經來遲嘅情況。

就如之前提及過咁,如果今次預計來經日子(10月頭)都係未有月經時,到時可以再考慮係咪先睇睇醫生,了解一下月經未黎嘅原因啊 :relaxed:。睇醫生嘅時候,都可以同醫生講番最近月經隔左一段時間都未黎,而過往月經週期都曾經試過唔太穩定嘅情況,睇睇有無需要做荷爾蒙相關嘅檢查。因為有時除左生活習慣、情緒起伏、最近因為生病食過藥之外,隨住年紀增長或者身體荷爾蒙出現變化,都有機會會影響月經嘅情況,無需太擔心 :blush:

多謝你:pray:t6::pray:t6::pray:t6:

1個讚