啱啱沖涼發現陰莖塊皮生咗啲嘢

有無人係知咩嚟架 無不良嗜好
有圖慎入

唔痕唔痛

Hello 明白你會感到好擔心,亦都好欣賞你無直接post張相出黎,不過為咗保障你嘅私隱(upload自己嘅私密照片上網係有一定風險架,有機會被其他人cap低,即使無影到樣都唔代表完全安全架 :persevere:),同埋照顧其他使用者嘅感受(其他人同埋我哋亦未必想見到你嘅身體部份),我哋會先del咗你兩張相嘅link先。

不如你試下形容你而家嘅狀況俾我哋聽,除咗係生咗啲咩嘢,都可以講返你係幾時發現、最近有無發生過性行為/自慰過、有無轉過沖涼/洗衣用品、同埋最近有無病過或者食過藥,睇下我哋有無咩意見可以俾到你? :relaxed:

如果情況令你擔心,而且有為你帶來痛楚、痕癢、分泌物異常或者小便刺痛,都會建議你盡快去睇醫生做詳細嘅檢查呀~

啱啱沖涼先發現 陰莖背面啲皮有啲一粒粒嘅嘢 白白哋色無味 又有啲似水泡 芝麻嘅大細
對上一次性行為兩個星期前 噚日有自慰
無轉過沖涼用品都無病~

因為暫時聽你所描述嘅症狀,都未能判斷係因為咩原因所引起 :pleading_face:,所以都希望透過以下嘅問題,助我地可以進一步掌握同埋評估你嘅情況 :blush:。暫時依你所描述嘅症狀,其實可以有好多可能嘅情況,包括非性病亦無傳染風險不影響健康嘅珍珠疹因過度摩擦造成嘅損傷或水泡因其他細菌或病毒所引起的感染由性病病毒所引起嘅皰疹或性病疣(俗稱椰菜花)等

  1. 想了解一下粒狀物係生喺包皮上面,還是陰莖上面?生長嘅位置係大概位於龜頭、龜頭邊緣,還是冠狀溝嘅位置?

  2. 你所形容水泡嘅感覺,係按落去真係有「水」/「膿」喺入面嘅感覺,還是肉粒嘅感覺?水泡又係點樣生嘅(例如係一排一排痴埋咁生,一粒一粒分得開咁生,還是不規則咁生長)?

  3. 你兩個星期前所發生嘅性行為,有無使用安全套? :blush:

  4. 尋日自慰嘅時候有無塗上足夠嘅潤滑劑,或者過程中有磨損嘅感覺?

  5. 平日有無清潔陰莖嘅習慣?因為有時過度清潔或者太少清潔都有機會有細菌或病毒感染。

最後,就好似 @Kitty_StickyRiceLove 所講,

所以如果你都好擔心的話,都建議你呢兩日趁假期及早去家計會/私家診所睇醫生,儘快了解生粒粒嘅原因啊 :blush:

1.啱啱發現啲粒狀物係生喺包皮上面 喺尿道口前最頭位置 (有小小包皮長)
2.摸落去無水/膿 摸落去感覺小小凸 一排痴埋咁生 白白地色好似芝麻咁 暫停生喺陰莖中間背後同左面
3.有使用0.03
4.對上星期自慰無用ky chok咗幾下痛就無再繼續
5.有 每日都有清潔

首先如果你之前嘅性行為都有使用安全套嘅話,感染性病嘅風險係好低嘅,同埋前提係對方本身係性病患者先有機會感染性病。所以如果你嘅性伴侶當時無仼何徵狀,而你地又有用安全套嘅話,感染嘅機會係好低嘅 :blush:

至於你所講嘅徵狀,其實都有機會係珍珠疹,因為如果係椰菜花嘅話啲粒狀物應該係一束束,三四粒痴埋一舊咁,而珍珠疹就只係會呈排列狀,明顯見到一粒粒,而唔會係一束束咁生。所以如果你係明顯見到一粒粒嘅話,就應該唔係感染性病啦 :relaxed: 而珍珠疹係唔會影響到身體健康同性功能嘅,亦都無傳染性,所以都唔洗太擔心 :blush: 至於你提到自慰嘅時候雖然無用潤滑劑,但覺得痛之後都無再繼續,所以因為整損而感染細菌嘅機會都唔大。

不過因為始終我地都只係從你嘅描述去推斷你嘅情況,所以為左安全起見,都建議你去睇泌尿科醫生診斷,從而確實了解返身體狀況 :man_health_worker:t2: :woman_health_worker:t2: 因為暫時睇你嘅徵狀都唔似係感染性病,所以你可以先去私家診所見醫生,如果係珍珠疹嘅話係唔需要服用藥物嘅,而如果醫生認為有機會係其他感染嘅話,基本上診所都會有治療細菌感染嘅藥物可以處方俾你:blush: