話說早前6月去了樓上骨，
去到最末姐姐突然用下身夾住我陰莖
個陣未係好識俾反應就出左。
最近身體檢查卻發現梅毒抗體陽性
但醫生話要再check, 可能係假陽，因為我依三個月無病徵。
真係好唔開心，依幾個星期完全訓唔到，有少少自殺想法，
個姐姐用下身夾住我個陣個畫面成日係腦入面出現
真係極度後悔，黎緊幾十年既人生就係個一分鐘改變左。
依幾日都有WhatsApp 個姐姐叫佢check下，都唔想有其他人好似我咁中招
我真係唔知點算好，拖又未拍，仲要係處男，先黎中性病…第時那有可能有女朋友
Hello @Rogeroger 
首先，都想讚賞你懷疑自己感染梅毒嘅時候，願意再行多一步提醒姐姐都去進行性病嘅檢測。雖然暫時都未能確認真係有感染梅毒細菌，亦未能確認係由姐姐傳染比你，不過的確透過定時嘅性病嘅檢測，係能夠避免到更多性病嘅傳播機會 
。另一方面，因為梅毒感染初期未必會出現明顯嘅病徵，未有出現病徵並不代表無感染梅毒細菌，所以暫時如果未有確實嘅陰性結果，都請避免發生性行為啊 。
另外，針對梅毒對生活嘅影響性，都想解釋番其實梅毒係屬於細菌型性感染疾病。細菌型嘅特點，係能夠透過藥物治療達致完全痊癒。所以即使最後真係確認感染梅毒的話，只要及早接受治療，係能夠完全治癒嘅，並唔會影響未來嘅一生。梅毒亦唔會好似病毒型細菌（例如HIV病毒等），需要之後透過持續服藥去抑制體內嘅病毒量。
如你所講，有機會受到感染嘅性行為，係6月時發生。所以即使感染的話，宜家其實都係屬於好早嘅階段接受治療，感染期未到一年的話，其實一般透過注射藥物，就好大機會能夠完全消滅體內嘅梅毒細菌 
。
最近亦已有研究指出HIV（其中一種病毒型性感染疾病）係能夠做到U=U，即係只要透過持續服藥，令體內嘅病毒量達到不可被檢測嘅程度（Undetectable），即使進行高風險性行為（無戴安全套），亦唔會將病毒傳染到對方身上（Untransmittable）。
所以正如前文都有提及到，現時有好多性病係能夠透過藥物治療控制／治療得到，即使感染性病，都唔會影響你日後認識伴侶，甚至生兒育女嘅機會啊 。
而就身體檢查方面，都想了解一下你最近所做嘅身體檢查，係專做性病檢測嘅檢查，還是一般嘅身體血液檢查？因為如果暫時只係接受過一般嘅身體血液檢查的話，都可以選擇去衛生署社會衛生科，或者其他私家診所，去進行番一次全面而深入嘅性病檢查，咁就可以得到更準確嘅性病／梅毒檢測結果。
暫時建議避免發生性行為，同埋可以等待進一步嘅梅毒檢測結果先。始終好似醫生所講，暫時都未有出現病徵的話，都有機會係假陽性結果。如果最後都係顯示有感染梅毒病毒的話，只要按照醫生指示接受治療，一般接受治療之後，只要2-3年內定期抽血覆檢，確保檢驗結果都係陰性，就可以確認為完全治癒 。而當接受治療後，血清檢驗結果都係呈陰性時，代表體內已經再無梅毒嘅細菌，其實就已經可以回復正常嘅性行為 當然認識女朋友都係無問題啦 
～
始終梅毒再感染嘅風險都好高，所以都會建議番之後整個性行為期間都要記得戴番安全套，一方面可以避免懷孕嘅風險，另一方面都可以減低性病傳播嘅機會啊 。
希望透過解釋梅毒嘅特點同埋治癒方式，可以幫助你理解呢個細菌係能夠完全治癒 
，從而減低你嘅憂慮。
如果你暫時都只係想搵人傾訴的話，都好歡迎你繼續同我地糖不甩傾訴啊 。不過因為都知道你最近情緒方面都係比較低落，有失眠甚至自殺嘅念頭，如果你都覺得自己嘅情況唔太穩定，想有更多支援的話，都建議可以考慮搵搵相關嘅輔導服務尋求情緒支援。所以如果有需要的話，可以選擇透過Whatsapp 6903 4682 一對一咁聯絡我地，去進一步傾訴你嘅情況 ，又或者有需要的話我地都可以幫你轉介至其他合適嘅服務，例如專門提供男士同性病相關嘅服務，該服務都會有輔導員，甚至可以安排你去見社工或者臨床心理學家，提供更多嘅支援比你 。