想問食左事後丸之後再做左 會唔會有Bb😭

我28/9去左食事後丸,之後1/10,3/10,6/10,都有做到。但有時候冇用到套,會唔會有Bb…:disappointed: 如果咁密食事後丸得唔得架?
家計會個邊會唔會鬧:sob:

Hello~ 男性受到性刺激嘅時候,陰莖通常會自動分泌一啲透明而黏黏地嘅液體,叫做尿道球腺液,當中都含有少量精子,所以如果性行為期間無使用安全套或者其他避孕措施的確有懷孕嘅機會 :pleading_face:

不過因為緊急避孕藥係唔可以喺同一個月經週期內服食多過一次嘅,而且因為緊急避孕藥嘅副作用較大,所以都唔建議用作恆常嘅避孕措施。現階段建議你喺6號嗰次性行為嘅11日後進行驗孕,因為驗孕棒係透過檢測尿液中嘅人绒毛膜促性腺激素(hCG)水平黎測試懷孕結果,依啲激素會喺精子著床後開始釋放,而精子著床大概需要11日嘅時間,所以喺性行為11日後進行驗孕嘅結果係好準確嘅,而喺最後一次性行為嘅11日後進行驗孕就可以檢測出依3次性行為嘅懷孕結果,所以個結果會比較全面。你可以買兩個牌子嘅驗孕棒黎驗,如果兩個結果都係陰性嘅話就應該係無懷孕啦 :relaxed:

另外,如果暫時未有計劃生育嘅話,建議每次性行為嘅時候都採用返避孕措施,而安全套係唯一一樣既可以避孕,同時亦可以預防性病嘅措施,你亦都可以考慮採用荷爾蒙避孕方法,例如避孕藥、避孕針、子宮環等,有關荷爾蒙避孕方法嘅詳細資訊可以參閱糖不甩嘅IG/Facebook/網站上嘅《藥劑連線X糖不甩—女性健康專題》系列嘅相關文章 :blush:

咁係咪唔可以再食多次?:see_no_evil:因為我第一次係上家計會到食 係咪會有紀錄?其實男朋友唔知我走左去食
岩岩同佢傾好左比我上去食事後丸
因為佢其實好錫我 但我又自作主張走左去食

但係我自己一直都好混亂,如果28號食左 正常嚟講係唔會有BB架嘛?

都想知道你係咪已經嚟咗月經啦,如果未嚟嘅話,係同一個月經週期係唔可以再食多一次,好似 @Ana_StickyRiceLove 咁講:

緊急避孕藥係唔可以喺同一個月經週期內服食多過一次嘅,而且因為緊急避孕藥嘅副作用較大,所以都唔建議用作恆常嘅避孕措施。

如果你上次食係28/9,未嚟月經,就唔可以再食啦。你就算你依家去食嘅話,都只可以為你6/10果一次嘅性行為做緊急避孕,1/10同埋3/10已經過曬時間,因為避孕藥係需要係性行為後72或者120內食先有效嘅。建議你依家盡快約返家計會睇醫生,睇下醫生點講,有機會醫生評估過後覺得你身體適應到,適合再食多一次,或者唔適合再食需要安排其他緊急避孕措施。但係提返你1/10同埋3/10已經過曬時間,基本上就只可以驗孕睇下有無懷孕,如果真係有嘅話,就可能要進入終止懷孕嘅情況。 :pleading_face:

放心,雖然家計會係有紀錄嘅,但係佢哋唔會因為你上去想食多一次緊急避孕藥而話你嘅,佢哋會再同你傾返有無咩可行嘅其他緊急避孕方法。同埋你見醫生嘅時候,係唔可以有其他人陪嘅,所以你都唔洗怕男朋友會知你之前食過。 :wink:

你28/9食果次事後丸,淨係會對你28/9前無安全措施嘅性行為有效,因此唔會話你食完之後可以維持幾耐時間嘅。

所以依家你可以做嘅就係好似 @Ana_StickyRiceLove 講:

現階段建議你喺6號嗰次性行為嘅11日後進行驗孕,因為驗孕棒係透過檢測尿液中嘅人绒毛膜促性腺激素(hCG)水平黎測試懷孕結果,依啲激素會喺精子著床後開始釋放,而精子著床大概需要11日嘅時間,所以喺性行為11日後進行驗孕嘅結果係好準確嘅,而喺最後一次性行為嘅11日後進行驗孕就可以檢測出依3次性行為嘅懷孕結果,所以個結果會比較全面。你可以買兩個牌子嘅驗孕棒黎驗,如果兩個結果都係陰性嘅話就應該係無懷孕啦。 :blush:

另外都鼓勵你同男朋友傾返呢件事,等佢都知道你之前果次無用安全套你已經好驚,自己一個承受曬所有嘢,自己一個去食藥。好開心你呢次都同佢傾返,係咪發覺講出口唔係你想像中咁難呢?無論性行為或者食緊急避孕藥,都係兩個人嘅事嚟,應該俾對方知道有呢件事發生,亦都需要好好坐低傾下之後會用咩方法嚟避孕,無論係用安全套定係食避孕藥,或者用子宮環定打避孕針,係需要好好權衡輕重同利弊去傾下,得出一個雙方都覺得舒服嘅避孕方法,然後每次性行為都要用安全措施,咁就唔會成日都好擔心或者好迷茫唔知點算好啦。 :relaxed: