我幫女朋友問
女朋友一直都有食避孕藥，今年二月開始食到而家無漏食過，有時會內射。
上個月30號第一日嚟m ，頭兩日啡啡地，之後一兩日正常紅色，之後五日就一直朱古力色有血塊，量少。
女朋友而家功課壓力大，唔知關唔關事呢。9月中有內射過一次，大肚機會高唔高呢？唔該晒！
你好呀 @Lovecpyphc 
好欣賞你會關心女朋友，幫女朋友仔問嘢。首先你女朋友有食開避孕藥而且超過3個月時間，身體其實已經適應咗避孕藥，即使係性行為嘅過程中內射，懷孕嘅機會都係好微嘅。 
另外有血塊嘅問題，好似你咁講，佢近排功課壓力比較大，其實都係有機會影響佢月經狀態嘅其中一個原因，其他例如最近生活作息嘅改變、情緒嘅起伏、睡眠係咪足夠等等都又機會影響月經嘅狀態，包括顏色、濃稠度等等，所以都都唔需要太擔心住嘅。都想問下你仲有冇其他症狀出現，例如會覺得下腹疼痛或者分泌物有異常等等。如果都有嘅話都建議去婦科度做返檢查，有機會係突然間身體適應唔到呢隻藥，亦都有機會係其他嘅婦科疾病。但如果冇嘅話就唔需要太擔心，可以再觀察一下先。 
如果真係好擔心嘅話，都可以係你地最後一次性行為之後嘅7日後驗孕，就可以得到初步嘅結果，而11日後驗嘅話就可以得到比較準確嘅結果。記住要跟足說明書上面嘅指示去做，同埋係指定嘅時間內去睇驗孕嘅結果啊。