我嘅經期一向唔太準 (30-35日)
上兩個月都係5號來，咁我本身假設呢個月應該都係7月5號左右來。
呢段時間唯一一次性接觸係6月29，果日我有用手幫男朋友，佢射落自己個身到，之後我地用紙巾抹翻乾淨佢個身，扔左紙巾後再洗手。隔左一陣佢有將手指放入我陰道幾下。
本身都覺得冇乜問題因為我地嘅性器官冇direct contact，但月經到而家都未來，愈來愈擔心會唔會有精液殘留係佢手指洗唔走，然後佢擺手指入去就間接送左啲精入去？
利申：呢年內有食過兩次事後丸，唔知會唔會影響到月經遲成兩星期
好擔心，唔知係咪應該去驗孕？
其實你第一樣要做嘅野就係驗孕呢, 所以即刻去做左先啦。
至於6月底個一次, 如果只係用紙巾清潔精液, 之後再用手指放入陰道, 的確會有可能將手上的精液帶入身體。不過令你懷孕機會應該唔會太高。
想知道你今年係幾時食過2次事後丸? 事後丸係高劑量荷爾蒙, 係一定會影響經期的。
Thank you for your reply!
除左紙巾都有洗手，但我上網search有啲就話洗手之後再抹乾可以kill sperm，有啲就話會殘留，搞到我愈來愈擔心。
事後丸就分別上年九月同今年五月食過，咁會唔會其實係我杞人憂天，事實上係事後丸令到月經delay？
因為我唔知抹同洗手個過程係點, 所以好難肯定有無掂到。
不過如果有洗手而假設洗得徹底同有用梘液咁, 應該就好難有精液殘留嘅。
事後丸係有機會會令到月經delay, 因為身體個原有周期亂左, 當然仲有其他因素 (例如你擔心) 都有影響嘅。
不過見你講半年都食左兩次事後丸, 真係要考慮清楚做足安全措施, 唔係會好傷身。
唔該晒你呀！
驗左係negative，雖然唔係用晨尿，但係我月經遲左成兩星期先驗都應該幾準？
同埋想問有冇方法令月經快啲來，係咪要搵醫生打針？始終未來都係唔放心
宜家啲驗孕棒都唔需要用晨尿都檢驗到。
因為乜野原因想早啲黎呢？
我就唔太建議再去催谷經期快啲黎，因為同樣地都係食荷爾蒙，我怕令你內分泌會更混亂。