第一次食避孕藥問題

小妹呢排啱啱開始食避孕藥,食yaz! 24+4嗰隻藥,今晚準備食無藥性嘅第3粒,一向都好準時食藥(within 30分鐘),都無漏食過。

食緊嘅時候keep住有流啡嘅情況之外都無特別;

但係今日晏晝去廁所用紙巾抹先見到有一噠紅色m(比無食藥時淺色)之外,都淨係見到流啡:confounded:

想問咁樣係咪正常情況:raised_hands:t2:同埋懷孕機率大唔大
(第一次食有啲擔心):raised_hands:t2:

想補充問,咁我算唔算開始咗嚟m?定係算普通流啡現象?

Hello~ 初期服食避孕藥係有機會出現流啡嘅情況嘅,通常喺幾星期內,隨住身體慢慢適應藥效就會消失,所以唔需要太擔心 :blush: 至於去洗手間嘅時候抺到較淺色嘅經血,因為見你提到有宜家食緊非活性成分嘅白色藥丸,而通常都會喺依段時間黎經,所以有機會係月經來潮初期嘅情況。因為月經來潮初期嘅經血量比較少,而且服食避孕藥後經血量都有機會較以前少,所以經血有機會比較淺色。

而懷孕嘅機會方面,避孕藥透過人造荷爾蒙制卵巢排卵,令子宮內膜產生變化,使受精卵無法著床,同埋增加子宮頸分泌物嘅黏稠度,使精子難於穿過黏液進入子宮腔內,所以佢嘅避孕成效係好高嘅,婦女第一年使用依種避孕方法後嘅意外懷孕機會為 0.3-9% (https://www.famplan.org.hk/zh/health-info),所以如果喺無漏服嘅情況下,懷孕嘅機會係好低嘅 :blush:

1個讚