男性自慰問題.

你好,想問下射精無高潮有冇啲咩原因?我無試過性行為,勃起都無問題,但係自慰去到射精嗰刻,就冇高潮嘅感覺。

Hello 其實一般嚟講,所謂「高潮」係指性器官或者敏感部位受到刺激,相關嘅肌肉(例如盆骨底肌肉、膀胱肌肉、肛門肌肉等等)收縮而產生嘅快感或愉悅感,有啲人會係射精嘅時候同時有高潮。但感覺呢啲嘢可以係好個人,亦會因人而異,甚至同一個人每一次射精都可能有唔同感覺,所以射精唔等於「高潮」亦唔等於「會高潮」。影響感覺嘅因素都有好多,例如陰莖所受嘅刺激、情緒、壓力、心理等等。「高潮」並冇一個標準去評定,亦唔應該係成為性行為或者性刺激唯一嘅目標,過程中自己係咪都享受,或者覺得舒服會更加重要啊。 :wink:

不如你講下你期望嘅「高潮」係點樣一回事,希望身體有咩反應或者感受? :relaxed:

如果想享受多啲性歡愉,會建議喺一個令你覺得安心而舒適嘅地方(例如屋企自己間房),放鬆心情,嘗試探索多啲刺激陰莖唔同地方會唔會有唔同感覺,記得陰莖嘅皮膚較為柔嫩所以動作要溫柔啲。了解多啲自己嘅敏感地方同喜好都可以幫助到你獲得多啲歡愉㗎~ :smiling_face_with_three_hearts: